“Маск” продакшн залуу жүжигчдээ дэмжиж, Ариунчимэг, Бямбадорж гэдэг залуу жүжигчнийхээ хуримыг зохион байгуулж өгсөн гэдэг. Хуримын зураг, хуримын анхны шөнөө өнгөрөөсөн өрөө тасалгаа гээд аз жаргал амтагдсан зургуудаа цахим хуудсаараа тэд харамгүй цацсан. Тэр хоёрын хурим 2017 оны хамгийн нижгэр цуутай хуримын нэг байсан байх.
Харин хуримнаасаа хойш ердөө нэг жилийн дараа буюу 2018 онд тэд салж байгаа нь тодорхой болсон. Угаасаа хувийн амьдралаа олон нийтийн сүлжээгээр хуваалцдаг залуу гэр бүлийн уур амьсгал хүмүүст мэдрэгддэг. Оюутан байхаасаа ханилан сууж, охинтой болсон жүжигчин Ари, Бидо хоёр яагаад салав гэж хэрэгт дурласан хүн ч цөөнгүй.
Хэн хэнийхээ анхны хайрын эзэн болж, мөрөөдлийн хуримаа хийсэн тэдний салсан шалтгааныг жүжигчин Б.Мишээлтэй холбосон ховын үг гардаг. “Надаар тоглосон хайр” жүжиг дэлгэцийн бүтээл болж, залуу жүжигчид болох Б.Мишээл, Бямбадорж, Цоож гурав гол дүрд тоглосон. 
Түүнээс хойш эхнэр Ари нь хууралт урвалтыг уучилж чадахгүй гэсэн утга бүхий пост үе үе бичдэг. Харин Бямбадорж буюу Бидо зүрхэн тус газраа эхнэр болон охиныхоо нэрийг шивүүлэн, үүрд гэж амлаад ч амьдралаа аварч чадаагүй.
Найман жилийн хамтын амьдралдаа зоригтой цэг тавьсан жүжигчин бүсгүй Ари шинэ амьдралаа эхлүүлжээ. 
Харин хувийн амьдралаа дэлгэсэн ном шиг үзүүлэхээ больсон. Анхны нөхрөө уучлаагүй “хатуу” Ари “Гурван гал” эмнэлэгт амаржиж, хоёр дахь хүүхдээ төрүүлжээ. 
Охиноо дүүтэй болгож, шинэ амьдралаа зохиосон Ари сүйт залуугаа ихэд нууцалж байна. Хашир хүн гэж хаширсан хүнийг хэлнэ гэж энэ байх…
