Реппэр Шон Дидди Комбсын ээж Женис Смоллс Комбс хүүгийнхээ тухай анх удаа өмгөөлөгчөөрөө дамжуулан мэдэгдэл хийлээ.
Уг мэдэгдэлд “Миний хүүг худал хуурмаг ярианаас үүдэн ийнхүү шүүж байгааг харахад үнэхээр харамсалтай байна. Хүү минь гэм буруугүй гэдгээ нотлохоос өмнө олон нийт ярианы бай болж байгааг гэрчлэх үгээр илэрхийлэхийн аргагүй гаслантай байна. Миний хүү бусдын адил шүүхээр орж, гэм буруугүй гэдгээ нотлох эрхтэй.
Би хүүгээ төгс төгөлдөр нэгэн гэж хэлэх гэж энд ирээгүй, тэр тийм хүн ч биш. Бид бүгдийн л адил тэр өнгөрсөн хугацаанд алдаа гаргаж байсан. Тэр нийгэмд “сайн хүн” гэх дүр төрхөд нийцээгүйгээсээ болж эрх чөлөөгөө хасуулсан. Хүүгийн минь амьдрал нүдэн дээр минь сүйрч, дэлхий бүхэлдээ түүний эсрэг эргэж буй нь үнэхээр гунигтай байна.
Бэлгийн хүчирхийлэлд өртсөн гэж худал мэдүүлэг өгөх нь бэлгийн хүчирхийллийн жинхэнэ хохирогчдод саад болдог. Хүү минь тэдний хэлж байгаа шиг мангас биш, тэр өөрийн байр суурийг илэрхийлэх эрхтэй. Түүнийг өөрийгөө өмгөөлж, үнэн мөнийг илчлэхийн тулд амьд байгаасай гэж залбирах л үлдлээ” гэжээ.
Шон Диддигийн хувьд өөрийгөө гэм буруугүй хэмээсэн бөгөөд ямар ч албадлагын шинж чанартай зүйл байгаагүй хэмээсэн байна.
