Өнөөдрийн олон фитнесс клуб, тураан галбиржуулах төвийг байгуулах үндсийг “Камертон” хамтлагийн ахлагч, Төрийн соёрхолт Д.Болдын төрсөн эгч Ж.Цолмон байгуулсан. “Камеpтон”-ы Болдын төрсөн эгч Цолмон өвөө нэрт хуурч Жамъянгаараа овоглодог: Ерээд оноос 2000 оны эхэн үе хүртэл “Хулан” тураан галбиржуулах төв Улаанбаатарт ажиллаж, охид бүсгүйчүүдийн ганц очдог газар байв.
Ерээд онд миссийн тэмцээнд амжилттай оролцсон Ж.Цолмонг Г.Өсөхбаяр аваргатай, мөн УИХ-ын гишүүн, НИТХ-ын дарга асан нөлөө бүхий улстөрчтэй холбон бичдэг байлаа. Сайхан бүсгүйг хов тойрохгүй гэж л энэ байх.
Гэтэл гай газар дороос гэж, “Хулан” тураах төвд явж ихэд турсан Цэнд-Аюуш гэдэг эмэгтэй “Синди” төвөө байгуулан, багштайгаа өрсөлдөж эхэлсэн. Цолмон ч шавьтайгаа удаан тэрсэлдсэнгүй, Солонгос улсад суурьшин 10 гаруй жил амьдарч байгаад эх орондоо эргэн ирсэн билээ. 
Хулан нэртэй ганц охинтой, ганц охиныхоо нэрээр “Хулан” клубээ байгуулсан Ж.Цолмон Солонгост амьдарч байхдаа нөхөртэйгөө танилцан ханилсан гэдэг. Одоо нөхрийнхөө хамт ирж, ”Хулан” эрүүлээр галбиржуулах төвөө байгуулан ажиллаж байгаа.
