Бид гэж нэг л хамаг юмаа голсон улсууд болжээ. Нүд, ам бие хаагаа голно. Байгаа амьдрал улс орноо голно. Монгол хүн байж Монгол хэлээ хүүхдүүддээ сургахгүй. Монгол хэл сурч яах юм бэ гэх жаахан хүүхдийг олон сонссон.Бид өөрсдөө ингэж сэтгэж ярьж байгаа болхоор л хүүхдүүд ингэж ярьж байгаа юм. Боловсролын систем муу замбараагүй гэдэг нь үнэн боловч бид өөрсдөө ийм бодолтой байгаа цагт энэ системийг сайжруулахын төлөө тэмцэхгүй энэ нь өөрчлөгдөхгүй л дээ. Ямар нэгэн гадаад хэлний төлбөртэй төлбөргүй сургуульд сүйд майд болоод оруулна.
Анхнаасаа Монголоо таньж мэдээгүй өөрийн үндэстнийхээ соёл уламжлал, ухаан, бахархалыг угаас нь судалж мэдээгүй ойлгох боломж нь олдоогүй хүмүүс чинь анх хэлд орсон улсынхаа уламжлалыг дагаж хүмүүжилгүй яахав дээ.Бидэнд ямар ч үндэстний дархлаа байхгүй. Тэгсэн хирнээ аман дээрээ айхтар эх оронч. Ямар нэг гадны нөлөөнөөс улсаа хамгаалах гээд цахим сүлжээгээр харааж зүхээд л байх шиг байгаа юм. Үнэндээ эх орондоо дайсагнаж байгаа хүмүүс нь Монгол хүн өөрөө. Бидний буруу хандлага буруу бодол. Гаднаас буу зэвсэг барьж орж ирээд улс гэр үймүүлэх гээд байгаа юм байхгүй л дээ. Эх оронч хүн юм бол эх хэлээ, газар нутгаа, соёл заншлаа хамаг бүхнийхээ дээр дээдлэх хэрэгтэй баймаар юм. Гадаад хэл суралгүй яахав.Гэхдээ сурч эхлэх нас гэж байдаг байлгүй дээ. Төрөлх хэлээрээ ярьж бичиж сураагүй хүн гадаад хэлийг унаган хэл шигээ гарамгай сурвал тэр хүн гадаад хэл сурсан хүн биш гадаад хүн л болчих юм шиг санагддаг даа гэжээ.
Үнэн шүү. Бид эх орноо голж байхад, манай улсын иргэд шиг тайван амгалан аж төрөх хүсэлтэй олон мянган хүмүүс байна. Байгалийн гамшиг, дайн байлдаангүй, баялаг түүхтэй эх орноороо бахархах хэрэгтэй.
. 
. 
