Aлимны цуу болон зөгийн бал нь эрүүл мэндэд маш олон төрлийн ашигтай бөгөөд өвчин эмгэгийг эдгээхэд гайхалтай үр дүнтэй байна. Тэднийг хооронд нь хольж хэрэглэснээр эмчилгээний чанарыг нь сайжруулаад зогсохгүй зөгийн балны бага зэргийн чихэрлэг амт нь алимны цууны гашуун амтыг дарж өгснөөр уухад хялбар байдаг. Энэхүү мэдээллээс дээрх 2 бүтээгдэхүүнийг чухам юунд хэрэглэдэг талаар дэлгэрэнгүй мэдэж аваарай.
1. Алимны цууны ашиг тус
Алимны цууг нухсан алимны шүүсийг шүүж, исэлдүүлэн гаргаж авдаг байна. Энэ нь цууны хүчлээр баялаг ажээ. “PlosOne” сэтгүүлд цууны хүчил нь хорт нян бактерийг устгагч бүхий байгалийн бэлэг бөгөөд үүнийг арьсны халдвар, шарх сорвийг түргэн эдгээхэд ашигладаг гэжээ. “Advanced Wound Care” сэтгүүлийн судалгаагаар цууны хүчил нь цэвэрлэх, халдваргүйжүүлэх шинж чанартай тул шархийг идээлж бугалхаас сэргийлдэг болохыг бичжээ.
2. Цэвэр зөгийн балны ашиг тус
Цэвэр зөгийг балыг гэрийн нөхцөлд эрүүл мэнддээ хэрэглэж ирсээр бид удаан хугацааг ардаа үджээ. Жишээ нь: “Journal of Agricultural and Food Chemistry”-ээс өгсөн мэдээлэлд зөгийн бал нь фенол карбоны хүчил хэмээх маш хүчтэй, элдэв өвчнөөс сэргийлэх антиоксидантаар баялаг гэнэ. Вайкатогын их сургуулиас зөгийн балны эмчилгээний үр ашгийн тал дээр судалгаа явуулахад үрэвслийн эсрэг эмтэй дүйцэхүйц нөлөөтэй бодистой болохыг найрлаганаас нь мэдэж авсан байна.
3. Алимны цуу болон зөгийн балны холимог
Энэхүү 2 бүтээгдэхүүнийг хамтад нь ашиглахад маш хүчтэй халдваргүйжүүлэх, үрэвсэл дарах үйлчилгээтэй болдог ажээ. Иймд өдөр тутамдаа хэрэглэснээр эрүүл мэндэд тань маш чухал өөрчлөлт гарах болно. Доор дурдагдсан бүхий л үр дүн нь шинжлэх ухаанаар батлагдсан болно.
4. Үе мөчний өвчнөөс сэргийлэх, өвчин намдаах
Өдөр бүр алимны цуу, зөгийн бал хэрэглэснээр аажим аажмаар үрэвслийн дарж, өвчин намдаах ач тустай. 2004 онд хэвлэгдсэн судалгаан дээр алимны цуу нь архаг хууч өвчин, үрэвслийг дарах ид шидтэй гэжээ. Харин 2011 онд хийгдсэн судалгаанд зөгийн балны үрэвслийн эсрэг найрлага нь үе мөч, зүрх судасны болон бусад архаг хууч өвчний нөхцөл байдлыг сайжруулахад нөлөөтэй гэсэн байна. Гарын доорхи эдгээр бүтээгдэхүүнийг хэрэглэж, эм тарианаас татгалзаарай.
5. Зүрх өвдөх, хатгах
Хоол идсэний дараа ходоод тань шатаж байгаа юм шиг мэдрэмж төрдөг үү? Тэгвэл үүнийг алимны цуу, зөгийн балны холимогоор эмчлэх боломжтой. Учир нь энэхүү 2 бүтээгдэхүүнд ходоодны хүчлийг тэнцвэржүүлэх, өвчин намдаах чанар байдаг. Алимны цуу зүрхний өвчинд тодорхой хэмжээний нөлөөлөл үзүүлж байгааг харуулсан шинжилгээ явуулсан бөгөөд уг арга нь орчин үеийн шинэ эмчилгээнээс ч илүү үр дүнтэй байх магадлалтайг мэргэжилтнүүд сануулж байна.
6. Хоол боловсруулалтыг сайжруулах
Алимны цууны хүчиллэг чанар нь эрүүл хэвийн хоол боловсруулалтыг хангахад тусладаг ферментүүдийг өөртөө агуулдаг бол зөгийн бал нь ходоод гэдэсний асуудлуудыг эмчилдэг аж. Харвардын их сургуулийн “The ScienceQ Publishing Grouр”-ээс алимны цуу нь уураг болон бүдүүн гэдсэн дэхь өөх тосыг задалдаг хэмээн мэдээллэжээ. “BMC Complementary & Alternative Medicine ” судалгаанд зөгийн бал нь хоол боловсруулалтыг дэмжих 180 гаруй бодисыг агуулдаг гэсэн байна.
7. Жин хасах
Энэхүү холимогыг өдөр тутам ууснаар жингээ хасах боломжтой бөгөөд алимны цуу нь хоолны дуршилыг дарах, цусан дахь сахарын хэмжээг тогтворжуулах, өөхлөлт үүсэхээс сэргийлдэг байна. Япончуудын судалгаагаар 30мл алимны цууг 500мл усанд хийж ууснаар гэдэс хэсгээрээ таргалхаас сэргийлж, өөхийг шатаахад тусладаг гэжээ. Мөн хоолондоо алимны цуу нэмж хэрэглэх нь цатгалан мэдрэмж хурдан төрүүлж, бага хоол идэхэд хүргэдэг байна. Харин зөгийн балыг алимны цуун дээр нэмж ууснаар гашуун амтыг дараад зогсохгүй биеэс хорт бодисыг гадагшлуулдаг юм. Иллиной их сургуулийн мэдээлэлд зөгийн балыг хэрэглэснээр хүний биеийн хорт бодисыг ялгаруулах тогтолцоо ажилж эхэлдэг гэсэн байна.
8. Холестрины хэмжээг бууруулах
“The British Journal of Nutrition”-ээс цууны хүчил нь элэгний үйл ажиллагааны өөхний хүчилд туслах, цөсний үйлдвэрлэлийг нэмэгдүүлэх замаар холестериныг бууруулахад тусалдаг. Энэ салбарт явагдсан судалгааны үр дүнд өдөр бүр зөгийн бал хэрэглэх нь муу холестрины хэмжээг тодорхой хэмжээгээр бууруулж, сайн холестриныг ихэсгэдэг гэдгийг баталжээ.
9. Зүрхний эрүүл мэнд
Зөгийн баланд агуулагдах антиоксидантууд нь төрөл бүрийн зүрх судасны өвчнөөс сэргийлэх чадвартайн дээр цус өтгөрөх, муу холестриныг бууруулснаар зүрхний шигдээс, цус харвах эрсдэлийг бууруулдаг байна.
10. Цусны даралт
Зүрхэнд үзүүлэх сайн нөлөөний бас нэг нь цусны даралтыг бууруулах юм. Зөгийн бал, алимны цуу 2 нь даралт ихсэхээс сэргийлэг бүхий бодисыг агуулдаг. Япончуудын явуулсан судалгаанд алимны цууны цусны даралт бууруулах үйл ажиллагаанд маш чухал оролцоотой гэдгийг дурджээ. “Oxidative Medicine and Cellular Longevity”-ээс тогтмол зөгийн бал хэрэглэх нь стрессийг багасгаж, цусны даралтыг бууруулах үр дүнтэй гэсэн байна.
11. Цусан дахь сахрын хэмжээ
Чихрийн шижин өвчтэй хүмүүс эдгээрийг хэрэглэснээр эрүүл мэнддээ маш өндөр хөрөнгө оруулалт хийх болно. “The American Diabetes Association”-ээс алимны цуу нь инсулины мэдрэмтгий байдлыг сайжруулж, метформин болон акарбос хэмээх чихрийн шижинд хэрэглэдэг 2 төрлийн эмтэй ижил үйлчилгээ үзүүлдэг гэжээ. Мөн судалгаагаар зөгийн бал нь цусан дахь хүчилд эерэг нөлөөтэй гэжээ.
12. Эрч хүч нэмэгдүүлэх
Дасгал хийхийн өмнө алимны цуу, зөгийн балны холимогыг ууснаар эрч хүч тань нэмэгдэж, илүү үр дүнтэй байх болно. Мемфисийн их сургуулиас явуулсан судалгаанд зөгийн бал нь энерги нэмэгдүүлэхэд глюкозтой дүйцхүйц үр дүнтэй төдийгүй нүүрс усны нэг төрлийн хэлбэр ажээ. Алимны цууг эрч хүч нэмэгдүүлэхтэй холбон тайлбарласан судалгаа байхгүй ч 1-2 амны халбага алимны цууг зөгийн балтай хольж хэрэглэн элэгээ цэвэрлэх боломжтой.
13. Хоолой хөндүүрлэх, ханиалгах
Хоолой загатнах, хөндүүрлэх, ханиалгах зэрэгт уг бэлдмэлийг хэрэглэж, зовиурнаасаа салаарай. Зөгийн балыг эрт дээр үеэс л хоолойн элдэв өвчинд хэрэглэж ирсэн бөгөөд энэ тал дээр маш олон судалгаа шинжилгээ хийгдэж, үр нөлөөг нь баталсан байдаг. Нэг халбага зөгийн бал нь ханиадны бусад сироптой яг адил үйлчилгээтэй. Харин зөгийн бал нь буруу гаж нөлөөгүй. Алимны цуу нь хоолой өвдөж зовиурлахад эерэг нөлөө үзүүлдэг.
14. Арьсанд үзүүлэх нөлөө
Бактерийн эсрэг үйлчлэл нь арьсанд хэрэглэх тоник болгон ашиглахад нэн тохиромжтой. Алимны цуу, зөгийн бал 2-ыг батга, экзем, псириоаз зэрэг бүх төрлийн арьсны үрэвслийг эмчилхэд ашигладаг. Алим цуу нь гэмтсэн арьсыг халдвар авахаас сэргийлж, арьсны рН-ийн түвшнийг тэнцвэржүүлэхэд тусалдаг. Мөн нүхийг цэвэрлэж, арьсны өнгө аясыг сайжруулдаг. Зөгийн бал нь таны арьсны байгалийн эдгээгч бөгөөд мөн чийгшүүлж, зөөлөн болгоно. Зөгийн бал нь олон төрлийн уураг, амин дэм, амин хүчлийг агуулсан бөгөөд арьсыг эрүүл байлгахад тусалдаг болохыг “Journal of Cosmetic Dermatology” багийнхан олж мэдсэн байна.
15. Батга
Зөгийн бал, алимны цуу нь хамтдаа батга арилгах хамгийн үр дүнтэй эмчилгээ юм. Алимны цуу бол нянгийн эсрэг бодис юм. Мөн нүүрний нүх сүвэнд бөглөрсөн хог шороог цэвэрлэхэд ашиглаж болно. Зөгийн бал нь гэмтсэн арьсыг нөхөн сэргээхэд тусалдаг ба халдварлаж болох нянгуудыг устгана. “Tropical Biomedicine”-ийн Ази Номхон далайн сэтгүүлд зөгийн бал нь шархыг хурдан эдгээж, халдвараас урьдчилан сэргийлэх хамгаалалтын бүрхүүл үүсгэдэг гэжээ. Эмч нар ч гэсэн манука зөгийн балыг нэгэн төрлийн батга арилгах эм гэдэгтэй санал нийлдэг.
16. Эвгүй үнэр дарах
Алимны цуу болон зөгийн балны шинж чанарууд амны эвгүй үнэрээс салахад тусалж чадна.Эвгүй үнэр нь таны шүдийг нян ба ходоодны шархлааны улмаас бий болдог. Өглөө бүр алимны цуу болон зөгийн балыг уух нь нянг устгахад тусална. Тэдний бактерийн эсрэг үйл ажиллагаа нь ходоодны шархыг эмчилдэг. Анагаах ухааны нийгэмлэгийн сэтгүүлд Manuka зөгийн бал нь хелибактерийн төрлийн нянг устгаж байна гэж мэдээлсэн. Бактерийн энэхүү эмгэг нь ходоодны шархыг үүсгэдэг гол шалтгаан юм.
17. Үс эрүүлжүүлэх
Aлимны цуу ба зөгийн балны эрүүл мэндийн өөр нэг ашиг бол таны үсийг эрүүл, гялалзсан харагдуулах юм. Цууны хүчиллэг шинж чанар нь таны загатнаж хавдсан хуйх, хагыг идэвхитэй устгахын тулд рН-ийн түвшинг тэнцвэржүүлэхэд тусалдаг. Цууны ариутгалын шинж чанарууд нь мөөгөнцөр, бактерийн халдварын улмаас үүссэн хуйхан дахь мөөгөнцөрийг устгадаг. Европын эрүүл мэндийн судалгааны сэтгүүл нь зөгийн бал нь мөөгөнцрийн халдвартай тэмцэхэд тусалдаг болохыг судалжээ. Зөгийн бал хэрэглэх нь загатнах, өтгөрүүлэх, үс уналтыг бууруулдаг.
18. Хавдрын эсрэг шинж чанар
Зарим судалгаагаар цуу нь зарим хорт хавдрын эсүүдийн өсөлтийг саатуулдаг болохыг харуулж байна. Хятадаас хийсэн нэг судалгаагаар шош, хүнсний ногоо, цуу хоолны дэглэм нь улаан хоолойн хорт хавдарын эрсдлийг бууруулахад тусалсан байна. Манука зөгийн бал эмнэлзүйн туршилтанд эсрэг үр нөлөө үзүүлж байна. Нэг судалгаагаар зөгийн бал нь хорт хавдрын эсийн өсөлтийг саатуулж, уламжлалт хорт хавдрын эмчилгээний үр дүнг дээшлүүлэхэд тусалдаг болохыг харуулсан юм. Мэдээж хэрэг, алимны цуу, зөгийн бал хамтдаа хорт хавдрыг эмчлэх нь баттай биш боловч эрүүл мэндийн үр ашгийн судалгаа нь үр дүнтэйг харуулж байна.
Хэрхэн эрүүл мэндийн ундаа хийх вэ?
Алимны цуу, зөгийн бал ууж эрүүл мэндийн ач тусыг хүртэхийн тулд зөгийн бал, алимны цууг боловсруулаагүй, “түүхий” хэлбэрээр байлгах нь чухал юм. Алимны цуу нь түүхий болон боловсруулаагүй байх ёстой бөгөөд энэ үедээ “ээж” -ийг агуулдаг. “Ээж” гэдэг нь шингэний эргэн тойронд хөвөх ёстой үүлэрхэг хэсгүүд бөгөөд алимны цууны эрүүл мэндийн олон ашиг тусыг хадгалж байдаг гэнэ. Зөгийн бал нь органик эх үүсвэрээс гаралтай үед эрүүл мэндэд хамгийн сайн ашиг тустай бөгөөд боловсруулагдаагүй байна.
Найрлага:
- 1 амны халбага алимны цууг 1 амны халбага цэвэр зөгийн балтай холино.
- Энэхүү найруулсан холимогоо 250мл усанд хийж хутгана.
- Ингээд бэлэн болсон шидэт ундаагаа өдөрт 1-3 удаа ууна.
Хэдэн өдрийн дараагаас алимны цууны эвгүй амтанд дасах болно. Хэрэв үнэхээр муухай байвал зөгийн балнаасаа нэмж болно.
Хэзээ алимны цуу, зөгийн балны холимогыг уух вэ?
Хурдан хугацаанд өндөр үр дүнг мэдрэхийг хүсвэл өглөө юм идэхээсээ өмнө 20-30 минутын өмнө уугаарай. Ингэснээр таны гэдэс витамин, шим тэжээл, минералуудыг шингээж авах болно. Зарим мэргэжилтнүүд энэхүү ундааг өдөрт 3 удаа уухыг зөвлөдөг.
Хэтэрхий ихийг уувал ямар хор хөнөөлтэй вэ?
Алимны цуу болон зөгийн бал нь ямар нэгэн хорт нөлөө байхгүй ч бусад уламжлалт анагаах ухааны аргуудын адил сэргийлэх, сэрэмжлэх хэд хэдэн зүйл бий. Үүнд:
- Их хэмжээний алимны цуу нь калийн хэмжээг багасгаж, яс сийрэгжүүлэх магадлалтай. Гэхдээ энэ тохиолдол нь олон жилийн турш өдөрт 250мл алимны цуу уудаг байсан эмэгтэйд учирсан юм. Харин бид танд дээрх зөвлөгөөн дээр зөвхөн 1-3 амны халбагыг устай шингэлж уухыг зөвлөж байгаа.
- Хүчил нь шүдний пааланг муутгах эрсдэлтэй. Үүнээс сэргийлэхийн тулд найруулсан бэлдмэлээ уучихаад амаа усаар зайлах эсвэл соруул ашиглахыг зөвлөж байна.
- Алимны цуу нь бусад шээс ялгаруулах, суулгах, зүрх судас, чихрийн шижингийн эмтэй харшлах тохиолдол гарч болно. Тиймээс нэн түрүүнд мэргэжлийн эмчээс энэ талаар зөвлөгөө авч, танд таарах үгүйг мэдэх хэрэгтэй.
Та энэхүү мэдээллийг дотны хүмүүстэйгээ хуваалцахаа бүү мартаарай!
Танд эрүүл энхийг хүсье!
Эх сурвалж: СААК
