Эх сурвалж: Alim.mn
2019 оны 8-р сaрд ЭМДЕГ-ын дaргa Ч.Aлтaнхуягийн aлбaн өрөөнд “Чингис хaaн” бaнкны гүйцэтгэх зaхирaл С.Сaндaгдорж гaдуур хүрэмээ мaртaaд явжээ. Сaр гaруйн дaрaa буюу 9-р сaрын 9-нд дaргa уг хүрэмийг өгүүлэхээр Сaнхүүгийн хэлтсийн aхлaх мэргэжилтэн Б.Бaярaaг явуулсaн. Үдээс хойш нь банкны захирал утасдаж хүрмээ авсанаа хэлээд “наад хүн/Баяраа/-ээ ахиад явуулаач” гэжээ. Ахлах мэргэжилтэн ахин очиж ууттай юм барьсаар ирж даргаа гэрт нь хүргэхээр машиныг нь барьж яваад АТГ-ынханд саатуулагдсан. Даргын машинаас 22 сая төгрөг бэлнээр гарч ирсэн нь хахуулиар авсан 86 саяын нэг хэсэг байсан. Ийнхүү ЭМДЕГ-ын дарга Ч.Алтансүх баригдсан. Тэрээр 48 хоног цагдан хоригдсон бол С.Сандагдорж гадуур байцаагдсан.
Энэ хэргийн бас нэг оролцогч нь “Чингис хаан” банкыг үүсгэн байгуулагч “Нью стандарт финанс” компани юм. Учир нь Ч.Алтанхуягт өгсөн 86 сая төгрөг нь “эрүүл мэндийн даатгалын урамшуулал” нэрээр “Чингис хаан” банкны данснаас гарч үүсгэн байгуулагчийн урьдчилгаа дансанд “урьдчилгаа олгов” гэсэн утгатайгаар орж дамжин тухайн өдөртөө бэлнээр гарч байжээ. Эрүүл мэндийн даатгалын сангийн 30 гаруй тэрбум төгрөг “Чингис хаан”банкинд байршиж байсан. Банк хүүнд нь сард гурван тэрбум гаруйг төлж ирсэн. Ийм их мөнгө байршсан ч банк Монголбанкнаас тавьсан заавал байлгах нөөцийг хангах шаардлагыг ханган биелүүлж чадахгүй байжээ. Ингээд 2019 оны хавар гүйцэтгэх захирал нь Ч.Алтансүхтэй найзаараа амжуулан танилцаад мөнгөн хөрөнгийг нэмэгдүүлэхийг гуйжээ.
Дарга гүйцэтгэх захирал хоёр харилцан “ойлголцож” банкинд байршуулах мөнгөн хөрөнгийн хэмжээ ч нэмэгдсэн улмаар шинээр гэрээ байгуулжээ. Ингээд 4-р сараас Ч.Алтансүх залгаж “урамшууллаа авья” гэж нэхэж эхэлсэн. Урамшуулал гэдэг нь ЭМДС-гийн харилцах дансны хоногийн үлдэгдэлд 1,3 хувиар бодсон мөнгө байжээ. Энэ нь чамгүй их тоо гардаг. Цаашдаа ч дарга сар бүрийн сүүлээр утасдаж урамшууллаа авах болов. Харин С.Сандагдорж банкнаасаа шууд мөнгө гаргах боломжгүй тул үүсгэн байгуулагч болох “Нью стандарт финанс” компани луу шилжүүлж бэлнээр гаргаж өгчээ. Эхний 2-3 удаад ЭМДЕГ-ын даргатай өөрөө уулзаж мөнгөө өгч байсан бол дараагаас Ч.Алтансүх нь мэрэгжилтнээ явуулдаг болжээ. Ингээд таван үйлдлээр 86 сая төгрөг авчээ. Мөнгийг цаасан уутанд хийдэг байсан.
АТГ-ынхан баривчлах үед бүр “Чингис хаан” банкны лац тэмдэглэгээтэй боодол 20 мянгантын дэвсгэртүүд гарч ирсэн. Хахуулийн мөнгө урьдчилгаа харилцах дансаар нь гарч байгааг үүсгэн байгуулагч “Нью стандарт финанс” компанийн хувь эзэмшигчид мэдээгүй гэнэ. Гэсэн ч шүүх С.Сандагдоржоос гадна “Чингис хаан” банкыг буруутай гэж үзсэн. Тус банкны ЭМДС-гийн мөнгөн хөрөнгийг байршуулах эрхийг гурван жилээр хасаж 125 сая төгрөгөөр торгосон. Ч.Алтансүх нийтийн албанд томилогдох эрхээ хоёр жилээр хасуулж 30 сая төгрөгөөр торгуулсан бол экс гүйцэтгэх захиралд долоон саяын торгох ял ногдуулсан.
Эх сурвалж: Alim.mn
