Төрийн ордонд Шадар сайд, Ерөнхий сайд шатахуун импортлогчидтой яг одоо хаалттай хуралдаж байна.
Ашигт малтмал, газрын тосны газраас орон нутагт 17-18 хоногийн, Улаанбаатар хотод 3-5 хоногийн шатахууны нөөцтэй байна гэж мэдэгдэв. Ийн шатахууны нөөц байхад өнгөрөгч шөнө яагаад ШТС-ууд крантаа хааж хомсдол үүсгэж, АИ 95 бензинийг литр тутамд нь 100 төгрөгөөр нэмэв гэдэг асуудал хуралдааны үеэр яригдаж байна. Энэ үйлдэл дээр нь АМГТ-аас тэдгээр ААН-үүдэд хариуцлага тооцох буюу торгох санал гаргалаа.
Монгол Улсын нэг сарын хэрэглээ болох 28000 тонн АИ 92 автобензинийг ОХУ нийлүүлж чадахгүй гэжээ. Тиймээс БНХАУ-ын талаас 14000 тонн АИ 92 автобензин авахаар тохирсон ч төмөр замын тээвэрлэлттэй холбоотойгоор гацаад буй. Хөх хотоос тээвэрлэх төмөр замын тээврийн асуудал шийдэгдвэл Монгол улсын шатахууны нөөц, худалдаа хэвийн болно гэж албаныхан хэлж байна.
