Эрдэнийн Бат-Үүлийг саарал цувнаас өөр хувцасгүй, 40 мянгатын хоёр өрөө байрнаас өөр байргүй, Битлзээс өөр дуу сонсдоггүй, Ардчилалд амьнаасаа илүү хайртай, шулуун шударга зантай, шуналгүй нэгэн гэж боддог байв.
Улаанбаатар хотын унаган хүүхэд, ном эрдэмд ойрхон өссөн. Элит гаралтай эдийн шуналгүй, эх оронч тэмцэгч гэж боддог байсан. Тийм дүр ч бүтээдэг байлаа. МАН-ын Д.Амарбаясгалан Э.Бат-Үүлийн “Эрдэнийн төгөл” нэртэй 40-50 ширхэг хаус хотхонг нээж илрүүлэхээс өмнө шүү.
Туул голын хөвөөнд бариулсан тансаг хаус илэрсэн цагаас эхлэн Э.Бат-Үүлийн баг илэрч тэрбумтан гэдгээ нуухаа байсан юм. Гэтэл өнөөдөр хамгийн ядуу нэр дэвшигчийн дүрд тоглож байх юм. Ардчиллын үр шимийг амин хувьдаа С.Баяраасаа илүү шахам хүртсэн нэгэн ажгуу.
Өнөөдрийн нэр дэвшигч дотроос хөрөнгөө нуусан нь Э.Бат-Үүл, Э.Батшугар байв. Харин хөрөнгөө хэт өндөр үнэлсэн нь Чингис хаан, хурдан шуурхай “юмжсан” нь Отгонбаатар байв.
Э.Батшугар Нүхтэд амьдардаг, Жи-500 унадаг ч ард түмний нүдэн дээр автобусаар явж байгаа даа. Лексус-570-тай Отгонбаатар хүртэл дүр эсгэж портер унаж давхиад л. Хэнийг хуурах гээд байгаа юм бол доо. Нэр дэвшигч нар хөрөнгөө нуудаг байдал улам гаарсаар 5-6 том машинтай Ба аварга хүртэл унага шиг машин унаж олны өмнө шоудах юм. Үхэхдээ үнэн байгаасай даа.
