Үндэсний ардын дуу бүжгийн чуулгын дуулгын нүүр царай болсон хөөрхөн хүүхэн С.Эрдэнэцэцэг анхны нөхөр эмч залуугаасаа салснаас хойш хорь шахам жил ганцаараа амьдарч байгаа. Ганц хүү нь томоо болж, ээждээ уул шиг нөмөр бараа болдог гэнэ. МУГЖ С.Эрдэнэцэцэг анх дуучин МУГЖ У.Далантайтай хамтран “Сэтгэлийн үг” дууг дуулж, “Сайхныг чинь харангуутаа дуурласан юм” гэж дуулсаар олны танил хүмүүст, хоёулаа хүмүүст хүндлэгдсэн нэр төртэй дуучин болсон билээ. 
Анхны нөхрөөсөө салсны дараа дуучин У.Далантайтай дуулж яваад дотноссон гэдэг. Хоёр сайхан хүн нийлэхээр дагалдах хов жив нь барагддаггүй юм болохоор энэ тавилан хоёр залуу дуучныг тойроогүй. Эрдэнэцэцэг, Далантай хоёр тус тусынхаа замыг хөөсөн.
МУГЖ У.Далантай багш бүсгүйтэй гэрлэсэн. Харин Эрдэнэцэцэг ганцаараа яваа. Дуучин Оюунтүлхүүрт нүд унагаж явсан гэгддэг сумочин Кёкүшюзан Батбаяр анхны гэргийгээсээ салж, дуучин Т.Баясгалантай учрахаасаа өмнө Чуулгын дуучин Эрдэнэцэцэгт хөл алдаж байсныг зарим дуучид мэддэг. Тиймээс “Эрдэнэцэцэг дуучин Баясгалангийн оронд байж болох л байсан” гэлцдэг.
Хүний тавилан гэж байдаг. Дуучин Баясгалангаас Кёкүшюзан найм ах, ивээл жилтэй хосуудын төрсөн өдрийн гараг төөрөг, жил мэнгэ нь гайхалтай сайн нийцдэг гэдэг. Амьдралыг үзэх үзэх үзэл нь яг адилхан, дуу хуур, торго дурданд хоёулаа тун дуртай Кёкүшюзан, Баясгалан хоёр бол үнэхээр тохирсон заяаны хосууд. Хүмүүс анх нийлэхэд нь “Энэ хоёр удахгүй ээ, сална” гэж муу амлацгаасан ч өдрөөс өдөрт амьдрал нь дэвжиж, ааш зангаа ч авалцаж тун нийлэмжтэй хосууд, сайхан гэр бүл болсонд хоёр талынхан нь тун дуртай байдаг. 
У.Далантайтай хамтран дуулж нэр холбогдож явсан дуучин УГЖ Эрдэнэцэцэг өрх толгойлсон эмэгтэйн амьдралаар амьдарч яваа. Дуучин МУГЖ Ч.Бат-Эрдэнэ, Лосолын Болдбаатар хоёр дуучин Эрдэнэцэцэг эгчийнхээ дүрлэгэр алаг нүдэнд дурласан гэдэг цуу яриа гарсан. Лосолын Болдбаатартай хамтарч “Хоньчин, барилгачин хоёр” дууг дуулсан нь нэг үе хит болсон.
Ямар ч дууны донж маягийг нь олоод эвлэгхэн дуулчихдаг Эрдэнэцэцэгийг гавьяат уран бүтээлээ туурвисаар байгаа билээ. Саяхан “Ододтой бүжиглэе” шоунд оролцож, сайн дуучинаас гадна сайн бүжигчин гэдгээ харууллаа.
