Сэтгүүлч Н.Өнөрцэцэгийг Хуульзүйн сайд Х.Нямбаатарын нууц амраг, “Хан Хилсс”-т орон сууцтай, үнэтэй машинтай хэмээн харлуулах ажиллагаа эрчимтэй явагдаж байна. Нэр нь цуурайтаад байгаа хоёр эрхэм хоёулаа гэр бүлтэй, олны нүдэн дээр байдаг улс шүү дээ.
“Энэ их ажлын хажуугаар” гэдэг шиг байнга камерт байдаг шахуу хоёр “наалдсан” гэхэд итгэл төрөхгүй. Муулах, буруутгах зүйл олдохгүй болохоор “Тэрний нууц амраг” гэж чулуу шиддэг байдал дунд сургуулийн хүүхдүүдийн дунд ч дэлгэрээд байгаа буруу жишиг юм. Яагаад мөрөөрөө яваа сэтгүүлчийг Х.Нямбаатартай холбов гэхээр “Голомт” банкны эзэн Д.Баясгалангийн эрх ашиг хөндөгдөөд байгаа юм.
Түүний авлига авсан (Т.Ганболдоос) хэрэг хэрэгсэхгүй болж Төмөр замын ажилд мөнгө хийж буй. Мөн тендергүй, төмөр зам барих эрхгүй хятад компаниар ажил хийлгэсэн гэх буруутгал БНХАУ-ын талаас ирсэн гэх мэдээлэл бий. Х.Нямбаатарын мэдэгдэж буйгаар Д.Баясгалан өөрийн өмгөөлөгчөө Улсын Дээд Шүүхэд оруулах гэсэн. Тэр лоббиг нь бут цохисон учраас Н.Энхбаярын цэрэг үнэнч ажилтан байсан сэтгүүлч Б.Отгоныг өөр рүү нь тавьсан гэж байгаа юм.
Д.Баясгалангийн өмнөөс Б.Отгон, Х.Нямбаатарын өмнөөс Н.Өнөрцэцэг ахиралдан алалцаж буй гэх мэдээлэл байна. Б.Отгонд галын дэмжлэг үзүүлэхээр “Цэнхэр үст” Цэрэн гэх мэт нөхдүүд хажуу хавиргаас дайрч буй мэт харагдана. Энэ бүхнээс өнгөц харахад эрх мэдэл, хөрөнгө чинээтэй нөхдүүд сэтгүүлч нарыг урдаг нохой мэт ашигладаг дүр төрх ажиглагдана. Б.Отгон, Н.Өнөрцэцэг нарын санхүүгийн эх үүсвэр, амьжиргааны байдал зэргийг олон нийт сонирхож хаанаас байр авав, машин тэрэг, зуслангийн байр зэргийн ил болгох хэрэгтэй гэсэн хандлага ч байна.
Ерөнхийдөө үндэслэлгүйгээр хөрөнгөжсөн гэх хандлага давамгайлж буй бололтой. Хэт өндөр хэрэглээтэй сэтгүүлчид хаанаас мөнгө олов, хэний нохой вэ гэсэн хандлагыг сэтгүүлч нар ч идэвхитэй явуулж буй бололтой. Олны танил сэтгүүлч нар өөр хоорондоо илэрхий дайтаж “эзнээ” хамгаалж байгаа мэт байдал иргэдийн эгдүүцлийг төрүүлж байгаа юм. Б.Отгоны тухайд Ийгл телевизэд ажилладаг, эзэн нь Д.Баясгалан учраас ингэж хардах нь аргагүй ээ. Тэрээр 2020 оны сонгуулиар ШИНЭ намаас Баянгол дүүрэгт өрсөлдөх сураг байсан ч юм. Н.Өнөрцэцэгийн хувьд дайчин махруу гэдгээрээ алдартай нэгэн.
