Эрдэнэт үйлдвэрийн санхүү эрхэлсэн орлогч захирал Д.Үүрийнтуяа гэдэг эмэгтэйг Говьсүмбэр аймгийн “Сод Монгол” группийн шатахуун түгээх станцын эрхлэгчээр Ц.Анандбазар томилсон. Улмаaр тус эмэгтэйд итгэл үзүүлэн Эрдэнэт үйлдвэрийн орлогч захирал болгосон түүхтэй юм билээ.
Энэ эмэгтэй Эрдэнэт үйлдвэрт асар өндөр үнээр “Сод Монгол” группийн шатахуун нийлүүлж АТГ-т шалгагдаж байсан юм. “Даварсаар Дагвын орон дээр” гэгчээр нөхрөө хүртэл Эрдэнэт үйлдвэрт хурган даргаар томилсон тэрээр ханаж цадахаа байжээ. Саяхан “Шилэн” Цогоо Д.Үүрийнтуяаг Эрдэнэт үйлвэрийн 160 сая төгрөгөөр ширээ, тумбочка авсан гэдгийг баримтаар гаргаж ирлээ.
160 сая төгрөг хотод гурван өрөө байр авах хэмжээний мөнгийг энэ авгай ширээ болгоод сууж байна. Эрдэнэт үйлдвэрийн мөнгө ёолохгүй болохоор энэ мэт луйварчид галзуурч байх шив дээ. Ерөнхий сайд У.Хүрэлсүх энэ мэт луйварчнаа зайлуулах болоогүй юу, ард түмэн удаан тэвчихгүй шүү. 160 саяаар ширээ авах нь бүү хэл 160 төгрөгөөр маск бөөндөөд авах иргэд ховордоод байна. Эрдэнэт үйлдвэр Д.Үүрийнтуяа гэгчээр 160 сая төгрөгийг хувиас төлүүлээд хөөж явуулахыг ард түмний нэрийг өмнөөс шаардацгаая. Тэр ширээгээ гэртээ тавиг. Энэ мэт луйварчнаас болоод МАН-ын нэр хүнд унаад байгааг Ерөнхий нарийн бичгийн дарга Д.Амарбаясгалан та хэзээ ойлгох хүн бэ.
