Сахал” Эрдэнэбилэг Эрдэнэтийн 49 хувийг эвээр өгөхгүй бол хүчээр авахаар шийдлээ шүү. Тэрээр маш сайн хуулийн баг хөлслөн Арбитрын шүүхэд гомдол гаргалаа. Худалдаа хөгжлийн банк өөрийн санхүүгийн үүсвэрээр авсан Эрдэнэт үйлдвэрийн 49 хувийг Засгийн газар булаасан хэмээн үзэж байгаа юм. Засгийн газрын тухайд Арбитрын шүүхэд очих дээрээ тулсан учир “Сахал” Эрдэнэбилэг гэдэг хүнтэй уулзсан болов уу.
Жадамбаа генералын хүү Энхбаяр Дархан хотод очиж “Сахал” Эрдэнэбилэгтэй нууцаар уулзсан гэдэг мессеж гарсан. Ж.Энхбаяр бол У.Хүрэлсүхийн шадар зөвлөх, түүний фракцийн итгэлт хүн. Тэгэхээр тэрээр У.Хүрэлсүхийн заавраар “Сахал” Эрдэнэбилэгтэй уулзан тохироо хийх гэж оролдсон болов уу. Уулзалтын дараахан Худалдаа Хөгжлийн банк Засгийн газрыг олон улсын Арбитрын шүүхэд хандаж өгч буйгаа мэдэгдсэн байдаг юм.
Олон нийтийн санаа бодолд нөлөөлөх магадлал өндөр учир Засгийн газар “Сахал” Эрдэнэбилэг гэгчтэй учраа олох гэж үзсэн. Ерөнхийдөө Арбитрын шүүх “Сахал” Эрдэнэбилэгийн талд шийдвэр гаргах нь тодорхой болжээ. Засгийн газрын Хэрэг эрхлэх газрын дарга Л.Оюун-Эрдэнэ “Худалдаа хөгжлийн банк Монгол банкнаас зээлсэн мөнгөөр Эрдэнэтийн 49 хувийг авсан” гэж зүтгээд барахгүй болжээ. Хамгийн гунигтай нь олон улсын зах зээл, Арбитр дээр “МАНАН” бүлэглэл гэсэн ойлголтыг авч хэлэлцэхгүй учир асуудал буруу тийшээ эргэв. Ер нь Монгол Улс Арбитрын шүүх дээр ялагдаад байдаг зовлонтой.
Худалдаа Хөгжлийн банкны энд тэндээс авсан зээлүүдээ тэд төлөөд явчихаж байгаа учир хуулинд хамааралгүй гэсэн ойлголтын Арбитрын шүүх өгөөд эхэлсэн аж. Ийм учраас Засгийн газар “Сахал” Эрдэнэбилэгтэй тулах хэмжээний улс төрчид Эрдэнэт үйлдвэрийг өгөхөөр шийдэв бололтой. Шатрын хөлөг дээр давуу байдал “Сахал” Эрдэнэбилэгийн талд шилжиж У.Хүрэлсүх дараагийн нүүдлээ зөв хийхгүй бол Эрдэнэт үйлдвэрээ эрсдэлд оруулж мэднэ. Магадгүй Ж.Энхбаяр хамгийн зөв хувилбар байж мэдэх учир Засгийн шийдвэрийг харах үлдлээ.
