“Соц” нийгмийн үед эдийн засгийн харилцан туслах орнуудын (Герман, Унгар, Болгар, Чехoсловак, ЗХУ) хүрээнд уул уурхайн салбарт одоо ч гараагүй амжилтыг олсон. Маш олон орд газрыг нээсэн түүхтэй бөгөөд “Монголросцветмет” нэгдэлд харьяалагдаж байсан юм. Харьяалагдах гэхээсээ илүү хадгалуулж байсан гэвэл илүү зохилтой ч хулгай нүүрлэсэн газар болсон.
Ихэнх ордууд нөөцгүй, төлбөрөө төлөөгүй нэрээр хувьд гарсан байдаг. Хувьд очсон орд газар болгон асар их нөөцтэйгээр алдаршиж авлигаар очсон гэх яриаг үүсгэдэг байв. Тус газарт захирлаар очсон нөхдүүд Цагдан хорих төвөөр “зочлох” нь наад захын асуудал бөгөөд хулгайч нарын арга нарийсч төмрийн хүдэр, жонш, алт зэргээ хямд зарсан тод жишээ бол Догсомын Ганболд билээ.
“Монголросцветмет” нэгдэл мөнхөд алдагдалтай, хулгайтай явж ирсэн бөгөөд Уул уурхайн сайд Г.Ёндонгийн хүүхдийн төлбөр асуудал босголоо. Хамгийн аймшигтай нь Г.Ёндон байдаг зүйл шиг хэвлэлийн бага хурал хийсэн нь олон нийтийн дургуйцлыг төрүүлээд байгаа билээ. Бүх дарга нар ийм аргаар хүүхдийн төлбөрөө хийдэг бол улс орон яах вэ. Ийм ёсзүйгүй үйлдлээ хууль тогтоомж мэтээр ярьж буйг улс төрийн ялзрал гэж ойлгогдоно. Хүрэлсүхийн Засгийн газрын нэр хүндийг Эрчим хүчний сайд Н.Тавинбэх, Уул уурхайн сайд Г.Ёндон, Соёлын сайд С.Чулуун, Эрүүл мэндийн сайд Т.Мөнхсайхан нар унагаж байгаа билээ. Эрчим хүчний салбар л гэхэд энэ өвлийг давах уу, уурхайнууд нь сул зогсолт хийж, “Саалийн үнээ” Эрдэнэт үйлдвэрт цахилгааны дэлбэрэлт болсон.
Өр ширэндээ баригдсан уурхайнууд ачилтаа зогсооно гэж сүрдүүлж байхад Н.Тавинбэх шилээ УИХ-ын гишүүдэд загнуулаад зогсож байх жишээтэй. Ажлаа мэддэггүй Эрүүл мэндийн сайд Т.Мөнхсайхан, архивын материалаа өөрөө зарсан гэх С.Чулуун нарыг У.Хүрэлсүх эртхэн шиг цавчих хэрэгтэй. Ерөнхий сайд Хүрэлсүх Засгийн газраасаа эхлэн хариуцлага тооцоно гэмээнэ ард түмэндээ амласан шударга ёс тогтоно. Ямартай ч эхний захиалгаа ард түмэн өгөв бололтой.
