Ардчилсан намын нэр хүнд өнөөдөр уначихсан юм ярид бичээд байх юм. Үгүй дээ эрхэм улс төрч нарын хичээнгүй “зүтгэл”, хувиа хичээсэн амбиц, авлигын хэргээс үүдэлтэй, олон жил үргэлжилсэн уналт юм.
З.Энхболд: УИХ-ын сонгуульд хоёронтоо бүдрээд буй З.Энхболдын хувьд бүрэн дүүрэн ялалт байгуулж байгаагүй юм. 2012 онд жагсаалтаар УИХ-д орсон бол 2008 онд урт удаан маргаан, шүүхийн шийдвэрээр Д.Сугарыг арай гэж дийлэн орж ирсэн байдаг. УИХ-ын дарга болонгуутаа МАН-ын гишүүдийн микрофоныг хаадаг, Н.Алтанхуягийн Засгийн газрыг Ч.Сайханбилэг, С.Баярцогт, Ц.Элбэгдоржтой нийлэн унагаасан, АН-ын даргын суудлыг булаан авсан гэх мэт дураараа аашилсан.
Түүнийг ТӨХ-ны дарга байхдаа 9 давхар байшин өөртөө авсан, улсын зардлаар хувьдаа үхэр онгоцоор зөөсөн хэмээн МАН үргэлж буруутгадаг. З.Энхболд өөрийг нь эсэргүүцсэн гишүүдээ нухчин дардаг, зуудаг, удирдсан сонгууль бүр нь ялагдал хүлээдэг гэсэн муу нэртэй улс төрч.
Э.Бат-Үүл: Ардчиллын бэлгэ тэмдэг тэрээр Улаанбаатар хотын дарга болоод нэр нүүрээ барж АН-аа хотод ялахгүй болтол унагаасан байдаг. Түүний хүү Чулуудай оффшорт данстай нь илэрч гэр хорооллыг барилгажуулах, орон сууцжуулах хөрөнгө мөнгө алга болсон. Үүнээс үүдэн 3000 иргэн орон байргүй болж жагсаал цуглаан хийсээр байгаа юм.
Н.Алтанхуяг: Чингис, Самурай бонд, хүргэн Дэнзэн, охин Саранзаяа, Нүүрсний хэрэг гээд Н.Алтанхуягийг дагасан асуудлууд бий. Тэрээр өөрийгөө “Шударга бусын хонгил” гэгчээр явсан гэдэг. Мөн түүнийг тэр хонгил гэгчийг барилцсан гэх мэдээлэл ч бий. АН дотор “Алтангадас” гэдэг хүчирхэг фракцийг бий болгон албан тушаалын хишиг түгээж явсан нэгэн билээ.
Ц.Элбэгдорж: АН-ын туг дарцаг шиг явсан эрхэм Ерөнхий сайдаар хоёр, Ерөнхийлөгчөөр хоёр удаа сонгогдсон нэгэн. Элбэгдоржийн хувьд АН, МАН-гүй захирч МАНАН бүлэглэл бий болгоод хууль хяналтын байгууллагыг улс төрийн өшөө авах хэрэгсэл болгосон гэдэг. С.Зоригийн хэрэг, Эрдэнэтийн 49 хувийн асуудлаас бол АН-ын нэр хүнд унасан гэх үндэслэлтэй. Мөн тэрээр төмөр замын гэх хэргээр Х.Баттулгыг шоронд суулгах захиалга өгсөн гэх яриа байдаг.
Лу.Болд: АН-ын үр шимийг асар их хүртсэн хүн бол Лу.Болд юм. Тэрээр Ашигт малмалын газрын дарга байхдаа “Молекул” Батбаяртай нийлэн лицензтэй болоод “Голомт” банк байгуулсан хөрөнгөжсөн. БХЯ-ны сайд байхдаа хойд Солонгост онгоцны мотор зарсан тэрээр АН-аас гарч ШИНЭ байгуулна гэж гарсан. Тэгэхдээ бүгдийг нулимасан, бузар булайн үүр бол АН хэмээн тунхагласан нэгэн. Түүний холбиромтгой, ашиг хонжооч зан чанар өдгөө ил болсон бөгөөд ардчилалд муу нэр авчирсан байдаг.
Ч.Сайханбилэг: Тэрээр Ц.Элбэгдорж, С.Баярцогт нар нийлэн Н.Алтанхуягийн Засгийн газрыг унагасан байдаг. Түүний том алдаа бол Рио Тинто компанийн захиалгад нийцүүлэн Дубайн гэрээ байгуулж ард түмнээсээ урваж АН-ын нэр хүндийг унагасан. АН-ын буянаар асар хөрөнгөжсөн Ч.Сайханбилэг АНУ-д байр автлаа баяжсан байх юм.
Ж.Батзандан: Иргэний хөдөлгөөнөөс 7 сарын үймээнээс үүдэн шоронд орж алийгаа алдан Элбэгээ ах, АН руу гүйсэн байдаг юм. Тэрээр АН, МАН хоёртой ижил харилцаа тогтоон “Эрдэнэс Тавантолгой”-д машин шахаад ах дүү нараа албан тушаал томилуулсан нэгэн. АН явцгүй болонгуут ШИНЭН байгуулсан ч олигтой улс төрийн хүчин болсонгүй. Ийнхүү өөрийн байгуулсан, дагасан залуусаас (Иргэний хөдөлгөөний нам, ШИНЭ) хоёр дахь удаагаа урван АН руу ирж буй сурагтай.
С.Баярцогт: Түүний хувьд Оюутолгойн гэрээг буруу тийш хөтлөж Монголын ард түмний хүртэх ашгийг 2048 он болгосон буруутан. Үүнээс гадна авлигын асар их мөнгөө оффшорт нуусан нэгэн билээ. Энэ нөхрөөс үүдэн АН-ын нэр хүнд унаж шороотой хутгасан гэдэгтэй гишүүд нь хэлээд өгнө.
Х.Баттулга: “Эрэл”-ийн Б.Эрдэнэбатын Эх орон намаас УИХ-д сонгогдсон Х.Баттулга улс төрд орсон тэрээр Н.Алтанхуягын Засгийн газарт байгаа хэрнээ бөөр рүү нь “хутгалсан” гэдэг юм. Төмөр зам барих нэрээр 280 сая ам.доллараар шороо овоолсон тэрээр АН-ын өнөөгийн лидерүүдийг шоронд хийсэн гэх буруутгал явдаг. Ямар нүүрээрээ АН-аас дараагийн сонгуульд нэр дэвших юм бэ бүү мэд.
С.Эрдэнэ: Мугуйд зөрүүд тэрээр анхнаасаа нэр хүн муутай АН-ын дарга байв. Нам дотроо ҮБХ гэгчийг байгуулан гишүүд бүрээсээ олон сая төгрөг хураан авч хувьдаа завшсан хэрэгт буруутгагдсан. МАН-ын ялалтын гол нууц С.Эрдэнэ гэх бөгөөд түүнийг АН-ын даргаар байлгах хэрэгтэй гэсэн сөрөг хүчний яриа байдаг юм. Ямартай ч эдгээр эрхмүүд 180 мянган гишүүнтэй АН-ын нэр хүндийг унагасан хэдий ч алдаагаа зөвшөөрөхгүй дахин дахин дайрсаар байдаг билээ. Эдгээр нөхдөөс салаагүй цагт АН эргэн сэхэхэд хэцүү билээ.