СУИС-ийн драмын ангийн оюутан охин Ч.Ундрал тэр үеийнхээ хамгийн нөлөө бүхий Ийгль телевизэд нэвтрүүлэгчээр ажиллан олны танил болсон билээ. Тухайн үед залуусын сонирхлыг татсан “Тавилан” кинонд найз залуу болох “Холливуд” Амараатай хоршин тоглосон. Гэвч удалгүй “Херо” Баатартай хамт амьдарсан. Анхны нөхөр найруулагч Л.Баатартай МУГЖ Ж.Алтанцэцэгийн “Бүлээн бороо” дууны клипэнд тоглох үеэрээ танилцсан гэдэг.
Залуусын жишгээр Зайсан толгойд анх болзож, найруулагч Л.Баатар “Ийм гоё найз охинтой болмоор байна” гэж хайр сэтгэлээ илэрхийлж байсан тухай ярилцлага өгсөн байдаг. Ч.Ундрал “Херо” студийн найруулагч Л.Баатартай амьдрах үедээ “Би чамд хайртай 2” кинонд тоглож, нөхрийнхөө найруулсан бүхий л кино, клипэнд оролцон тоглодог, амьдралынх нь алтан үе байсан байх. Харин харамсалтай нь хөтлөгч П.Анужин “Херо” студитай хамтрах болсноор Монголын сайхан хосууд хөндийрч, цаашилбал салах шалтаг болсон юм. Хоёулаа гэр бүлээсээ салан байж эхлүүлсэн Л.Баатар, П.Анужин хоёрын хайр сэтгэл удаан үргэлжилсэнгүй.
Ч.Ундрал нөхөр, хүүгийнхээ аав найруулагч Л.Баатараас салаад удаан ганцаараа явсан. Харин хоёр жилийн өмнө охин төрүүлж, хэрэгт дуртай хүмүүс хүүхдийнх нь эцгийн “эрэлд” гарсан. Нэвтрүүлэгч Ч.Ундралыг “Хит”-ийн Давааням агсны хүү Д.Даваадоржтой хамт амьдарч хүүхэдтэй болсон гэх яриа гарах болсон билээ. “Хит”-ийн Даваанямын хүү Даваадорж “Вагнер Ази” компанид ажиллаж байгаад Шанхайд сурахаар явсан. Шанхайгаас ирээд хувийн компани байгуулан ажиллаж байгаа. Дагинаа нэртэй хөөрхөн охиныхоо зургийг цахимд үе үе байршуулдаг ч ээжийнх нь тухай мэдээлэл зураг байхгүй.
Жүжигчин Ч.Ундрал ч үе үе бяцхан охиныхоо тухай цахим хуудастаа бичдэг ч аавынх нь тухай огт дурсдаггүй. Харин саяхан Д.Давааням, Ч.Ундралын хамт байгаа зураг ил боллоо. Ч.Ундрал нь нас нь 40 хүрч байгаа ч 25 настнаас ялгарахааргүй сайхан бүсгүй.
“Хит”-ийн Даваанямын хүү Д.Даваадорж ч нас нь 30 шүүрч, Монголын сайхан залуусын тоонд орох болсон. Нас бол тоо, насны зөрүү асуудал биш болсон цагт удахгүй Монголын нэгэн сайхан хос хайр сэтгэлээ олонд зарлан хуримаа хийж, хөөрхөн охиноо дундаа хөтлөн явах цаг ирэх биз ээ.