Хэдэн жилийн өмнө Сэлэнгэ аймагт хятад, монгол хоёр иргэн худгаас болж маргасан байдаг. Хужаа эр ажилсаг учраас худагт хашлага, таг, онгоц хийсэн (Хөрөнгө оруулалт) учир монгол эрд ногоо услах усаа үнэтэй зарна гэсэн байсан. Монгол эр “Чи яах вэ хашлага, таг, онгоцоо ав. Би нүхээ авъя” гэсэн байдаг.
Монгол эрийн мэдэлд газар өмчлөх эрх байсан учраас ялсан хэрэг л дээ. Сүүлийн үед Ерөнхийлөгч Х.Баттулгын санаачилсан Үндсэн хуулийн нэмэлт өөрчлөлт “Газрын баялаг төрийн нийтийн өмч” гэсэн заалт маргаан дагуулав. Хуучин цагт газрын хэвлийн баялаг төрийн өмч гэдэг байлаа. Тэгэнгүүт гадна дотны компанид 16 мянган тусгай зөвшөөрөл тараагдаж гадаадын 5000 иргэн лиценз эзэмшигч болчихсон байлаа. Энэ заалт явахгүй болонгуут байгалийн баялаг ард түмний өмч гээд заачихангуут 3.2 хүн нинжа болох зам руу явах, гадаадын иргэнд эзэмшүүлэх, хүн бүр тусгай зөвшөөрөл зарах Төрийн бус байгууллагууд гэсэн шантаажчид гараад ирсэн.
Тийм учраас Б.Чимэд гуайн тайлбарлаж байснаар Саарал ордон бол төрийн өмч, харин газар бол нийтийн өмч гэсэн. Тэгэхээр 6.2 заалт газрыг Монгол иргэн өмчилнө, Монгол улсын аж ахуйн нэгжүүд зөвхөн эзэмшинэ гэж тодорхой заажээ.
Тодорхой хэмжээгээр гадны этгээд газар өмчлөх эрхийг хаасан чамбай хууль болсон. Гэтэл улс төрийн хүчнүүд, сонирхогчид энэхүү хуулийг эсэргүүцэж байгааг Г.Занданшатарын хэлснээр шалгах хэрэгтэй. Магадгүй Монгол Улсын газар нутагт санаархсан, тусгай зөвшөөрлөө алдахгүй гэсэн харийн бодлогоор Үндсэн хуулийг эсэргүүцсэн захиалга өгөв үү.
