МАН-аас бусад улс төрийн хүчнүүдийн хувьд сонгуульд амжилтгүй оролцож орших, эс оршихуйн тухай ярихад хүрээд байгаа билээ. Орон нутгийн сонгуульд дангаараа оролцох аваас “Мангар хар юм” МАН-ыг ялах магадлалгүй болчихоод байгаа юм.
Цээжээ дэлдсэн эх орончид хулгайч луйварчин үүрлэсэн УИХ-д навс ялагдсантай эвлэрч дангаар ялахгүй гэдгээ ухаарав бололтой.
Одоогийн байдлаар Ерөнхийлөгч Х.Баттулгын дэмжлэгтэйгээр улс төрийн жижиг гэгдэх намууд АН-тай нэгдэх процесс руу явагдаж байна. Орон нутгийн сонгуульд амжилттай оролцох аваас 2021 оны Ерөнхийлөгчийн сонгуульд жижиг намууд нэгдэн орох төлөв ажиглагдаж эхэллээ. Намуудын нэгдэлд ХҮН ороогүй бөгөөд тэдний ард Ц.Элбэгдорж тэргүүтэй улс төрчид байдаг гэх ярианаас үүдэлтэй болов уу.
АН-ын даргын үүрэг гүйцэтгэгч, УИХ-ын гишүүн Ц.Туваан Ерөнхийлөгч Тамгын газрын дарга Ө.Шижирт өргөн барьсан бичигтээ “2020 оны УИХ-ын сонгууль луйвар булхайтай болсон. (Өөрөө луйвар булхай хийсэн байх нь) Орон нутгийн сонгууль луйвар булхайтай болох магадлал өндөр байгаа учир улс төрийн хүчнүүд нэгдэж байна. Ардчилал хүний эрхэнд халдах хэрээс хэтэрч УИХ-ын дэд дарга Т.Аюурсайхан нь Б.Пүрэвдоржийг чуулган суух эрхийг долоо хоног хассанаар илэрлээ. Тийм учраас Монгол Улсын Ерөнхийлөгч Х.Баттулгаас сонгуулийн хулгай луйврыг зогсооход тусламж хүсч байна” гэлээ.
Мөн улс төрийн хүчнүүд Сонгуулийн Ерөнхий хорооны удирдлагыг бүрэн бүрэлдхүүнээр нь солих хүсэлтээ гаргаж байгаа юм. Өмнө Ерөнхийлөгч Х.Баттулга ийм шаардлага тавьж байсан нь яв цав таарч байна. Сонгуулийн Ерөнхий хорооны удирдлагыг солих эрх УИХ-д байдаг билээ. Энэ бүгдээс харж байхад Орон нутгийн сонгуулийг булхайгүй болгох, хяналт тавих, жижиг намуудыг нэгтгэх үүргийг Ерөнхийлөгч Х.Баттулга хүлээв бололтой.
