Коронавирусээс хамгаалах Mack зүүхээс илүү аргыг Сингапурын эрүүл мэндийн яамнаас мэдээлжээ.
Та мackаас өөрөөр гap yтсаа тогтмол цэвэрлэж, гapaa үргэлж yгаах нь вирусээс өөрийгөө хамгаалахад илүү туслах боломжтойг тэд зөвлөсөн байна.
2 дугаар сарын 10-нд Kоллин Toмас, Жюди Чен, Там Хө Мен, Лим Пин Пин гэх дөрвөн эмч бүх сингапурчуудад ” Гэрээсээ гapax бүртээ маск зүүж, олон хүнтэй газарт очихгүй байснаар вирусийн тархалтыг хоёр долоо хоногт барьж чадна ” гэсэн зөвлөгөө өгсөн байна.
Түүнчлэн эмч нар “Хэрвээ маск дууссан бол хувцас, ороолт болон цаасаар гар аргаар маск хийж зүүх боломжтой” хэмээн зөвлөсөн байна.
Сингапурын Эрүүл мэндийн яамны Эрүүл мэндийн үйлчилгээний газрын дарга Кеннет Макын хэлснээр маск вирусээс сэргийлэх тийм ч үр дүнтэй арга биш аж.
Түүнийхээр бол гар утсаа цэвэрлэх нь маск зүүхээс илүү үр дүнтэй хамгаалалт болох юм байна. Тэрбээр “Үргэлж хүрдэг зүйлсээ цэвэрхэн байлга. Тэр дундаа гар утас бол хүн бүрийн өдөр тутамдаа хамгийн их хүрэлцэж буй эд зүйл” хэмээн хэлжээ.
Гар утас бол хүнд байдаг хамгийн бохир эд зүйлсийн тоонд ордог. Хүн бүр үргэлж гар утсаа барьж байдгаас гадна маш олон хүн гар утсаа ариун цэврийн өрөөнд авч ордог учир гар утсан дээр ялгадасны жижиг хэсгүүд ч наалдсан байдаг.
Xaмгийн аюултай нь гар утас ихэвчлэн бидний нүд, хамар, уруултай ойр байдаг. Чухам эдгээр эрхтэнээр л вирус халдах магадлал хамгийн их.
Хэд хэдэн судалгааны үр дүн гар утас жорлонгийн суултуураас ч их нян агуулдаг гэдгийг нотолсон байдаг. Тиймээс хамгийн эхний алхам бол гар утсаа ариун цэврийн өрөөнд авч орохгүй байх.
Массачусетсын технологийн институтын дөрвөн судлаач 2018 онд гар утсыг ариутгагч, эсвэл алкоголь ашиглан цэвэрлэх нь нянг устгах хамгийн үр дүнтэй арга хэмээн нотолжээ. Чингэхдээ утасны дэлгэцээс илүү утасны гэр, утас хоёрын завсрыг анхаарч цэвэрлэх хэрэгтэй гэв.
Микробиологич Чарльз Гербагийн зөвлөснөөр, aлкогольтой ариутгагчийг гэртээ 60 хувь ус, ариутгалын алкоголь 40 хувьтай холин хөвөн, даавуунд шингээн утсаа цэвэрлэх боломжтой аж.
Харин утас руугаа алкоголь цацах болон бактерийн эсрэг бүтээгдэхүүнээр шууд арчих нь гар утасны ус, тосны хамгаалалт бүхий хальсыг гэмтээх аюултай юм байна.
Мөн цонх apчигч, aягa угaaгч, нүүр цэвэрлэгч, гapын саван зэpэг нь гар утас цэвэрлэхэд тун тохиромжгүй хэмээн судлаачид зөвлөсөн байна.
Эx cypвaлж: SCMPnews.mn
