Таван настай байхдаа “Жинжиймаа” кинонд тоглож байсан бяцхан охин П.Оюун-Эрдэнэ Соёл урлагийн их сургуулийн Театр, кино урлагийн сургуулийг 2018 онд төгсжээ. 
Тэрбээр “Жинжиймаа” киноны Хонгорзулын дүрээсээ хойш 15 жилийн дараа Ардын жүжигчин П.Цэрэндагватай хамтран А.Төгсбаярын бүтээл “Хүн мод” уран сайхны киноны гол дүрд тоглосон байна.
Тэрээр кинонд өмссөн ногоон торгон дээлээ одоо хүртэл хадгалдаг аж. П.Оюун-Эрдэнэ : Би таван настайдаа тоглосон киногоо үзээд уйлаад л байсан гэсэн. 
Одоо ч гэсэн өөрийнхөө тоглосон киногоо үзэхээрээ уйлчих гээд байдаг. “Жинжиймаа” уран сайхны кино нь цагаан сарын баяраар их гардаг шүү дээ. Тэгээд л ойр дотны хүмүүс маань “Чиний тоглосон кино гарч байна” гэж хэлдэг.
Жил бүр л “Жинжиймаа” киногоо үздэг. Одоо ч хүмүүс намайг “Жинжиймаа” дүрийн маань нэрээр их дууддаг. Надад энэ дүрийнхээ нэрээр дуудуулах сайхан санагддаг. “Жинжиймаа” кинонд тоглохдоо өмссөн ногоон торгон дээл маань одоо хүртэл бий. Бас эмээ маань надад киноны нээлтийн үеэр ногоон торгон дээлтэй адилхан барби бэлэглэж байсан юм. Хэзээ нэгэн цагт ээж болохоороо хүүхдэдээ дээлээ өмсүүлж, барбигаа өгнө дөө.” гэв.
Жүжигчин бүсгүй сүүлийн үед халуухан хайрандаа шатаж яваа аж. Түүний халуухан хайрын эзнээр жүжигчин Т.Бишрэлт тодорчээ. 
Тэрээр маш ирээдүйтэй жүжигчин бөгөөд саяхан “Гэнэтийн зочид” кинон дахь Эрдэнээгийн дүрээр олны хайр хүндэтгэлийг хүлээгээд байгаа билээ. Мөн тэрээр хэд хэдэн олон ангит болон, бүрэн хэмжээний кинонд туслах дүрүүдийг бүтээсэн юм.
