Зохиолч Р.Эмүжин өөрийн хуудсаараа үзэл бодлоо илэрхийлжээ.
Тэрбээр “.Поп одод оо, хариугаа авмаар байна ааа… Хэд хэдэн баяр болж өнгөрлөө, хэн яаж попрохыг харлаа. Энэ хоёр залуу өнөөдрийн Монголын нийгмийн эмгэнэлийг хошин шогийн тайзан дээр чирээд гаргаад ирлээ. Үүнийг чинь л попролт гээд байгаа юм шүү дээ.
Улс төр дэх поп одуудын үйлдэл залуу үедээ ямар хурдтай, яасан хорлонтой халдварлаж байна вэ? Саяхан л өрөөндөө apxИдаад өчнөөн хүлээлгэлээ гэх шүүмжлэлд өртөж байсан МЗХ-ны удирдлагууд гэнэт ухаан орчихож гэнэ ээ. Ямар нэгэн сүртэй арга хэмжээ авч, apxИтай холбоотой шуугианаа дарах гээд давуулаад далдайчихлаа.
Өөрөөр хэлбэл сэтгэлгээний бяд, уншсан мэдсэн байдал, аргалж сурсан арга барил гээд олон үзүүлэлт нь олонд ил тод боллоо доо. -Монголын залуучуудын холбооны Ерөнхийлөгч Гэрэлт-Од apxИгүй Монгол хөдөлгөөнийг дэмжихээ мэдэгдэн хаяг шошго нь тодорхой хэдэн шил apxИ өрчихөөд, эхнээс нь асгаж байх юм.
apxИ, согтууруулах ундааны бичлэг байтугай зураг нь өөрөө реклам болчихдог, бусдад уух сэдэл төрүүлж байдаг гэдгийг энэ чиглэлийн судалгаа хийдэг мэргэжлийн байгууллагууд бүгд мэднэ. Тиймээс л онцгой бараанд тооцогддог юм шүү дээ.
Олон улсын төвшинд мөрдөгддөг реклам сурталчилгааны тусгай арга барил ч бас бий. Ядаж байхад ард нь МЗХ-ны байранд түрээсээр амьдардаг нөгөө паб, караокены хаяг дурайж байх юм. Энүүхнийг тооцож чадаагүй хүн энэ цагийн залуусын байгууллагыг яаж төлөөлөх үү? Ядаж баар, пабныхаа оронд иог, сэтгэлзүйн төв зэргийг нээж, ажиллуулж болох уу?
-Баянзүрх дүүргийн ИТХ-ын төлөөлөгч Б.Дэмбэрэл гэж залуу хоёр шил apxИ асгаад, хойноос нь 2000 шилийг асгана, цутгана гэж цуурлаа. Ердөө хэдхэн цагийн дараа үүнийгээ зүгээр судалгаа байсан, хандалт авах гэж тэгж мэдэгдсэн гэж сандчиж байх юм.
Бас ч гэж бүхэл бүтэн дүүргийн ИТХ-д төлөөлөгчөөр сонгогдсон хүн шүү. Хоёр алхалгүй хошин шог цаашаа болж байгаа хүн төрд яаж түмэн төлөөлдөг юм бол? Тэгээд МЗХ-ны Ерөнхийлөгчийн зөвлөх хийдэг гээд байгаа. Залуу хүн попрох муухай, замын дундаас зугтах бүүр муухай л даа. Зөвлөдөг, зөвлүүлдөг хоёр хоёулаа поп од гээд бодохоор ай хөөрхий хорвоо болжээ.
-apxИгүй Монгол хөдөлгөөн анх 2010 оноос эхлэлтэй. apxИгүй Дундговь, apxИгүй
Дархан гэхчлэн үргэлжилсэн, зарим аймаг эл аяндаа жилд 30-аад сая төгрөг зарцуулсан байдаг юм. 2016 онд Ц.Элбэгдорж apxИны оронд сүү өргөе энэ тэр гээд эвтэйхэн попорч байсан юм даг. Харин энэ удаа Ерөнхийлөгч У.Хүрэлсүх “Эрүүл Монгол хүн-apxИгүй Монгол” хэмээх үндэсний хөдөлгөөн өрнүүлэхээ мэдэгдлээ. Тэгэхээр apxИны эсрэг хөдөлгөөн, аян өнөөдрийг хүртэл янз бүрийн байдлаар, хэдэн арван нэр шошготойгоор өрнөж байжээ. -Өнөөдрийг хүртэл бид apxИтай л тэмцээд байсан байна.
Адаг сүүлд нь өнөө муу apxИндаа нулимс, аллага энэ тэр гэсэн шошго зүүж байгаад олны өмнө дүүжлэхийн дайтай асгалаа. apxИйг ч яахав, асгачихдаг юм байж. apxИчдаа яах билээ? Дүүжлэх үү, алах уу, бас асгах юм уу? Энэ мэтээр эргэцүүлж болохгүй юу? Үүний цаана ерөөсөө эрхэм Ерөнхийлөгчид л таалагдаж, санаачилсан хөдөлгөөнд нь санаа нэмсэн нэр зүүж байвал apxИ байтугайг нь ямар ч утга агуулгын холбоосгүйгээр асгаж, алахаас наагуур аашилж болзошгүй арчаагүй мөн чанар нэвт харагдаж байна.
Улс төр дагасан залуу үеийнхэн ийм эмгэнэлтэй байгаа нь өөрөө Монголын их гутамшиг юм даа. -apxИтай бус, apxИ уух сэдэл, сэтгэхүйтэй тэмцэх учиртай юм гэдгийг энэ олон бүтэлгүй аян, энэ олон бүлт бүлт оролдлогын дараа хэзээ ойлгох юм бэ? Ажилтай, орлоготой, амьдралтай ард түмэнд apxИдаад суух зав олдох уу, үүнийг нэг бодоод үзээрэй. За тэгээд эцэст нь поп одод оо, судалгааныхаа хариуг авъя аа. 2000 шил apxИ асгана гэж жиргээд өчнөөн судалгаа хийгээд, комент болгон дээр баг ажиллаж байгаа гэсэн, Б.Дэмбэрэл хариугаа өгнө үү, ямар ангилалд яажшуухан хавчуулагдсанаа мэдмээр байна аа, бид…”гэжээ.
