Монголын үндэсний олон нийтийн телевизийн хөтлөгч, бэлэг нэвтрүүлгийн санаачлагч Д.Одзаяа чамгүй олон дагагчидтай. Харин тэдгээр дагагчид нь түүнийг авъяастай мундаг гэдгийг хүлээн зөвшөөрдөг ч хөтлөгч бүсгүйн стиль имижд тийм ч таатай ханддаггүй гэнэ. Учир нь түүнийг хувцаслах тал дээр мэдрэмж дулимаг гэж дүгнэжээ.
Харин энэ талаар хөтлөгч бүсгүй бухимдсан хариулт өгсөн байна. Тэрээр:
“Энэ баруун зураг дээрх БИ. Зүүн бичлэг дээрх үү? Бас л БИ шд I can be both
Би бүр хангалттай элегант, хар бараан, даруухан, үнэтэй, дөлгөөхөн, нүдэнд дулаахан, оффислог хувцаслаж чаднаа. Маш амархан. Тийм хувцас гуталнаас ч их юм алга. Гэхдээ юу гээч. Хүсдэггүй юмаа.
Тэртэй тэргүй нас яваад ирэхээр хүссэн хүсээгүй, хүнээр заалгасан заалгаагүй л тэгж хувцаслах нь ойлгомжтой бөгөөд тодорхой. Тиймээс шунхан улаан гал халуун залуу насан дээрээ яаж хувцаслахаа, ямар өнгөөр үсээ будахаа би өөрөө мэдчихвэл болох уу ганц нэгхэн хүний амьдралд хошуу дүрэгчид ээ? Хүний зөрүү хийсэн үйлдлийг шүүмжилж болох ч хумс хуруу үс гэзэг хувцас хунар бол арай шүү.
Хэн нэгэнд биш өөртөө л таалагдаж амьдардаг, зориулж хувцасладаг байгаа шүү. Масс-д таалагдья гэвэл дээл өмсөөд, үсээ сүлжээд, хадаг бариад зогсох байлаа. Хэлж буй үг, хийж буй үйлдэлд минь буюу Хэлбэр бус агуулгад анхаарлаа хандуулна уу ганц нэгхэн хүмүүс. Баярлалаа” хэмээжээ.
