Цагдаагийн газарт мэдүүлэг өгөхөөр очсон иргэний биед цагдаагийн албан хаагч халдаж, ёс бус харьцаж байгаа бичлэг цахим орчинд цацагдаад байгаа билээ. Тодруулбал, өчигдөр буюу гуравдугаар сарын 1-нд Сүхбаатар дүүрэг дэх цагдаагийн нэгдүгээр хэлтэст мэдүүлэг өгөхөөр очсон А-г тус хэлтсийн албан хаагч Б нь үг хэлээр дайрч, биед нь халдсан гэсэн юм.
Бид энэ талаар хохирогч А-гаас тодруулахад “Олон нийтийн газар бага насны хүүхдүүд танхайрч, үл ойлголцол үүссэн хэрэгт гэрчийн мэдүүлэг өгөхөөр очсон.
Гэтэл цагдаагийн албан хаагч намайг “Ариун цэврийн өрөө орохоор суудлаасаа бослоо” гэх шалтгаанаар дээрэлхэж, миний биед халдсан. Манай аав хуулийн хүн учраас би хуулийн мэдлэгтэй. Цагдаагийн албан хаагчийн ёс бус үйлдлийг хэлэх ёстой газар нь хэлнэ гэхэд дуугүй болчихсон” гэсэн билээ.
Тэгвэл тус эмэгтэй нь гэрчийн мэдүүлэг өгөхөөр бус, бусдын биед санаатайгаар гэмтэл учруулсан хэрэгт байцаалт өгөхөөр цагдаагийн хэлтэст очсон байжээ. Тодруулбал, тэрбээр 18 настай охиныг “Муухай харлаа” гэх шалтгаанаар биед нь халдаж, халуун кофе асгасан гэнэ.
Энэ хэрэгтэй холбоотойгоор тэрбээр цагдаагийн байгууллагад дуудагдаж очоод байсан аж. Цагдаагийн албан хаагчид зодуулсан, бусдын биед халдаж, гэмтэл учруулсан гэх 22 настай эмэгтэй нь өмгөөлөгч Г.Батбаярын охин гэнэ.
Бид энэ хэргийн талаар өмгөөлөгч Г.Батбаяртай холбогдож, тодруулахад “Охин маань нас биед хүрээд биднээс тусдаа амьдардаг. Охин маань бидэнтэй хамт амьдардаггүй учраас юу болсон талаар тодорхой мэдээлэлгүй байна. Өчигдөр байцаалт өгөхөөр очих үед нь би хамт очоогүй. Хэрэв хамт очсон бол цагдаагийн албан хаагч миний охинтой тэгж ёс бус харьцахгүй байсан байх.
Охиноо хүүхдийн толгой дээр нь халуун кофе асгасан гэдгийг мэдээгүй байлаа. Охинтойгоо холбогдож, хэргийн талаар тодруулъя. Өчигдөр оруулсан бичлэг дээрх хүн охин минь гэдгийг ч би мэдээгүй” гэлээ.
ХОХИРОГЧ М: Толгой дээр дөнгөж барменаас авсан халуун кофегоо асгачихаад цагдаагаа дуудаарай, би 100 мянган төгрөгөөр л торгуулна гэсэн
Өчигдөр буюу 2022.03.01-ний өдөр олон нийтийн цахим сүлжээнд өсвөр насны хүүхдүүд муудалцаж, нэгнийхээ толгой дээр халуун кофе асгасан бичлэг цацагдсан. Үүний дагуу хохирогч М болон хохирогчийн аав Э-тэй товчхон ярилцлаа. /тэд нэрээ хэлж, зургаа нийтлүүлэхээс татгалзав/
-Өчигдөр яг юу болсон бэ. Болсон үйл явдлын талаар мэдээлэл өгөхгүй юу?
Хохирогч: Өчигдөр 15.00 цагийн үед “Tom Toms” кофе шопын салбарт би хоёр найзтайгаа кофе уугаад сууж байсан юм. Гэтэл нэг эмэгтэй ирээд намайг “Чи яагаад над руу муухай хараад байгаа юм бэ” гэсэн. Би тэр хүнийг огт танихгүй тул тэр хүн рүү муухай харах ямар ч шаардлага байхгүй шүү дээ. Би өөр рүү чинь хараагүй ээ гэтэл намайг өшиглөөд, би чиний дээрээс кофе асгачих уу гэсэн. Хариу үг, үйлдэл үзүүлээгүй байхад миний толгой дээрээс дөнгөж барменаас авсан халуун кофегоо асгачихсан. Тэгээд цаашаа яваад өгсөн.
-Цагдаагийн байгууллагад мэдэгдсэн үү?
-Тийм. Би цагдаагийн байгууллагын 102 дугаар утсанд хандаж дуудлага, мэдээлэл өгсөн. Тэр эмэгтэй явахдаа “Цагдаагаа ирвэл над руу залгаарай” гээд утасныхаа дугаарыг үлдээчхээд явсан. Дуудлагын дагуу хоёр алба хаагч ирэхэд тэр эмэгтэй явчихсан байсан тул Сүхбаатар дүүргийн цагдаагийн алба хаагчид утасны дугаар руу нь холбогдож шалгаж байгаа.
-Та цагдаагийн газарт очиж мэдүүлэг өгсөн үү?
-Тухайн үед миний толгой дээр маш халуун кофе асгасан тул түлэгдээд хорсоод байсан. Тиймээс би эмнэлэгт үзүүлчхээд ирэх хүсэлтийг дуудлага, мэдээллийн дагуу ирсэн цагдаагийн алба хаагч нарт тавьсан. Тэд намайг эмнэлэгт үзүүлчхээд Сүхбаатар дүүргийн цагдаагийн нэгдүгээр хэлтэст ирээрэй гэсэн. Тэгээд тэд намайг түлсэн эгчийг авахаар явсан.
-Та хэдэн настай вэ. Нөгөө эмэгтэйн насыг мэдсэн үү?
-Би 18 настай. Миний толгой дээр кофе асгадаг эмэгтэй 22 настай юм байна лээ. Намайг мэдүүлэг өгөх гээд очиход тэр эгч мэдүүлгээ өгчхөөд гараад явж байсан. Бид хоёр цагдаагийн хэлтсийн нэг давхарт таарсан. Тэр үед миний утасны дугаарыг авсан.
-Тантай холбогдсон уу?
-Намайг мэдүүлэг өгчхөөд гарч ирсний дараа “Чи өргөдлөө буцаачих. Би гомдлыг чинь бүрэн барагдуулна. Би сая наана чинь бас цагдаатай асуудал үүсчихлээ” гэсэн. Би өргөдлөө буцаахгүй гэж хэлсэн.
-Цагдаатай асуудал үүссэн гэдэг нь ямар асуудал юм бол оо?
Хохирогчийн аав: Цахим орчинд цагдаагийн алба хаагч бусдын биед халдаж, зүй бус харьцлаа гэх бичлэг яваад байгаа. Тэр бичлэг дээрх эмэгтэй миний охины толгой дээр халуун кофе асгасан хүүхэд байна лээ. Тэр цагдаатай асуудал үүсгэж байгаа бичлэгийг би хараад өөрөө буруу зүйл хийчхээд түүндээ гэмшихгүй өөрийг бусдаар өрөвдүүлэх гэсэн оролдлого мэт харагдаж байгаа. Учир нь бичлэгээ “Бага насны хүүхдийн гэмт хэрэгт гэрчээр мэдүүлэг өгөх гээд цагдаагийн байгууллагад иртэл биед халдлаа” гэх утгатай цахим орчинд байршуулсан байна лээ.
Тэр эмэгтэй гэрчээр мэдүүлэг өгөхөөр биш миний охины толгой дээр халуун кофе санаатайгаар асгаж, гоо сайханд нь халдсан хэрэгт шалгагдаж байгаа. Би охиноо шүүх эмнэлэг үзүүлсэн. Энэ асуудалд маш их гомдолтой байгаа. Хүнээс яахаараа ийм харгис үйлдэл гардаг байна гэж бодож байна. Тэр хүүхэд миний охиныг гэмтээчхээд манай аав прокурор энэ бол асуудал биш. Тэр цагдаагаа дуудаарай би 100к торгуулчхаад л гараад ирнэ гэж хэлсэн байна лээ. Би тэр прокурор гэсэн аавтай нь мөн уулзаж шалгуулах хүсэлтэй байгаа.
/Сануулахад, халуун кофе асгасан эмэгтэйн аав нь прокурор биш өмгөөлөгч Г.Батбаяр юм/
Холбоотой мэдээ:
Өмгөөлөгч Г.Батбаярын охин хүний толгой дээр халуун кофе асгаж харгис үйлдэл гаргав
Өчигдөр буюу 2022.03.01-ний өдөр олон нийтийн цахим сүлжээнд өсвөр насны хүүхдүүд муудалцаж, нэгнийхээ толгой дээр халуун кофе асгасан бичлэг цацагдсан. Тэгвэл хохирогч охины аав нь цагдаад мэдүүлэг өгчээ. -Цагдаатай асуудал үүссэн гэдэг нь ямар асуудал юм бол оо?
Хохирогчийн аав: Цахим орчинд цагдаагийн алба хаагч бусдын биед халдаж, зүй бус харьцлаа гэх бичлэг яваад байгаа. Тэр бичлэг дээрх эмэгтэй миний охины толгой дээр халуун кофе асгасан хүүхэд байна лээ. Тэр цагдаатай асуудал үүсгэж байгаа бичлэгийг би хараад өөрөө буруу зүйл хийчхээд түүндээ гэмшихгүй өөрийг бусдаар өрөвдүүлэх гэсэн оролдлого мэт харагдаж байгаа.
Учир нь бичлэгээ “Бага насны хүүхдийн гэмт хэрэгт гэрчээр мэдүүлэг өгөх гээд цагдаагийн байгууллагад иртэл биед халдлаа” гэх утгатай цахим орчинд байршуулсан байна лээ. Тэр эмэгтэй гэрчээр мэдүүлэг өгөхөөр биш миний охины толгой дээр халуун кофе санаатайгаар асгаж, гоо сайханд нь халдсан хэрэгт шалгагдаж байгаа. Би охиноо шүүх эмнэлэг үзүүлсэн.
Энэ асуудалд маш их гомдолтой байгаа. Хүнээс яахаараа ийм харгис үйлдэл гардаг байна гэж бодож байна. Тэр хүүхэд миний охиныг гэмтээчхээд манай аав прокурор энэ бол асуудал биш. Тэр цагдаагаа дуудаарай би 100к торгуулчхаад л гараад ирнэ гэж хэлсэн байна лээ. Би тэр прокурор гэсэн аавтай нь мөн уулзаж шалгуулах хүсэлтэй байгаа”гэв.
Гэвч үнэндээ халуун кофе асгасан эмэгтэйн аав нь прокурор биш өмгөөлөгч Г.Батбаяр байсан байна.
