Монгол улсын өсөх идэр начин Э.Энхбат агсан БНСУ-аас биеийн байдал нь хүнд эх орондоо ирээд “Сонгдо” эмнэлэгт эмчлүүлж байгаад өчигдөр /2021.12.25/ таалал төгссөн.
Харин энэхүү хэрэг явдалтай холбогдуулж, Сүхбаатар дүүргийн цагдаагийн нэгдүгээр хэлтсийн алба хаагчид “Сонгдо” эмнэлэгт очиж, хэргийн газрын үзлэг хийсэн гэх мэдээлэл бий. Тэгвэл асуудалд хавтаст хэрэг нээж, шалгалтын ажиллагаа үргэлжилж байгаа бололтой.
Энэ талаар “Сонгдо” эмнэлгийн эмч Б.Болдсайхан, “бүүр ингэх байсан юм уу … тийм амархан хэргээ шилжүүлээд тохчих хүн шиг, эмнэлэг шиг санагдсан??. Эрүүл Мэндийн 100 жилийн ойн орой эмнэлэг хэргийн газар болж, хавтаст хэрэг нээж, үзлэг хийж, эмч нар байцаагдаж баярлах шив … баярлалаа.
Төр Засаг, цагдаа ба нөгөө мундаг найруулдаг талд … тэгсэн ч үл шантарч хэнд ч эмчилгээ тусламж үзүүлсээр байх болно. би лав Дархан явах худлаа болох нь … манай эмчийг дахиж хэзээ дуудна би хамт очно, үүдэнд нь сууж байна. маргааш ч нөгөөдөр ч” хэмээжээ.
Холбоотой мэдээ: Б.Нандинцэцэг: Дэндүү сайхан ханиа араатны гарт алдана гэж зүүдэлсэнгүй
Олимпын аварга Н.Түвшинбаярт хохирсон Монгол Улсын начин Э.Энхбат өчигдөр таалал төгсчээ. Тэрээр өнгөрсөн найман сарын хугацаанд Солонгос улсад эмчилгээ хийлгэн өнгөрсөн долоо хоногийн эхээр эх орондоо эргэн ирж Сонгдо эмнэлэгт хэвтэн эмчлүүлж байсан юм.
Түүний хань Б.Нандинцэцэг цахим хуудаснаа
“Дэндүү сайхан ханиа араатны гарт алдана гэж зүүдэлсэнгүй явлаа.Бүлтийгээд үлдсэн 3 үрсийнхээ төлөө хичээхээс өөр сонголт надад байхгүй боллоо. Одоо ч итгэмээргүй байна хайрт минь чамдаа хязгааргүй их хайртай.
Гэмтэл Согог Судлалын Үндэсний Төв 서울아산병원 Asan Medical Center Kyung Hee University, Korea UB Songdo Hospital эмнэлэгүүдийхээ хамт олонд маш их баярлалаа.Boldsaikhan Bundan найдлагагүй гэх оношоо хэлсэн ч сайхан сэтгэлээр хүлээж авсан алтан гартай эмч таньдаа талархлаа танай хамт олон бол хамгийн мундаг нь.
Өнөөдрийг хүртэл үргэлж хамт байж тусалж дэмжсэн хүн бүхэнд талархлаа.
ХАЙРТ МИНЬ ЧИ ДЭНДҮҮ ИХ ХИЧЭЭСЭН ЧИ МИНЬ БИДНИЙХЭЭ ҮҮРДИЙН БААТАР.
АМАР АМГАЛАНГИЙН ОРОНДОО ТАЙВАН НОЙРСДОО.
АЙЛ БҮР АЗ ЖАРГАЛТАЙ ЭЛЭГ БҮТЭН БАЙХ БОЛТУГАЙ
