Бэрри Фармер 20 гаруй насандаа гурван хүүхдийн аав, ганц бие эцэг болжээ.
Тэрээр асран хүмүүжүүлэгч эцэг эх хайж байгаа хүүхдийн тухай зарыг олж хараад үрчилж авах өргөдөл гаргасан байна. Асрамжийн газар өссөн Бэрри энэ нь хүүхдүүдэд ямар их ач холбогдолтой болохыг сайн мэддэг байв. Гэхдээ тэрээр 30 нас хүрэхээсээ өмнө гурван хүүгийн ганц бие аав болно гэж хэзээ ч төсөөлөөгүй байна.
Гэхдээ хүүхдэд өөр сонголт бий болгох үүднээс үрчлэх хүсэлтэй дахин өөр нэгэн гэр бүлд байлгадаг бөгөөд хүү Жэксоныг явахад Фармер түүнийг ямар их санаж байгаагаа анзаарчээ.
Фармер “Хөтөлбөрийн захиралтай ярилцсаны дараа тэр “Пөөх, чи гайхалтай төлөвшилтэй хүн юм. Би чамд асран хамгаалагчийн эрх олгоход яг одоо ч бэлэн байна” гэж хэлсэн” хэмээн Today сайтад өгсөн ярилцлагадаа хэлжээ.
Фармер асран хамгаалах хүсэлтээ өгснөөс хойш нэг жилийн дараа гэр бүлийн анхны гишүүн болох 16 настай хүүтэйгээ танилцжээ. Өсвөр насны хүү зургаан сар орчим хугацаанд “шинэ аав” Фармертэй хамт байсан бөгөөд нэгэн өдөр Фармерийг Жэксон хүүгийн аав болж болохыг зөвшөөрсөн дуудлага ирж, түүний амьдралыг өөрчилжээ.
Гэхдээ хүүхдэд өөр сонголт бий болгох үүднээс үрчлэх хүсэлтэй дахин өөр нэгэн гэр бүлд байлгадаг бөгөөд хүү Жэксоныг явахад Фармер түүнийг ямар их санаж байгаагаа анзаарчээ. Тэрээр “Би түүнийг явах хүртэл надтай хэр ойр дотно байсныг анзаараагүй байсан. “Бид тусдаа байхад би ч, тэр ч гунигтай байсан. Тэр эцэст нь над дээр буцаж ирсэн” гэжээ. Тэр үед Фармер 22 настай залуу байсан ч Жэксоны аав болсон гэдгээ аль хэдийнэ сайтар ухамсарлан, зөв шийдвэр гаргасандаа өөртөө 100 хувь итгэлтэй байсан гэжээ.
Харин удаах хүүгийн тухайд “Тэд намайг дахин өсвөр насны хүүхэдтэй болох уу, тэднийг ханьтай өсгөх үү гэж асуусан. Хүүхэд ганцаардаж магадгүй учир энэ нь зөв ч шийдвэр байж болох юм гэж би бодсон. Тиймээс дахин нэг ч гэсэн хүүхэд амар тайван гэр бүлд, дулаан гэрт амьдраг гэх бодол сэтгэлд багтаж байсан” гэжээ. Том хүү Жэксон ч гэр бүлээ өнөр өтгөн байлгахыг хүсжээ. Тиймээс Фармер тухайн үед 14 настай байсан Хавьер хүүг мөн үрчилж авсан байна.
Бид хамт байхаараа байнга хөгжилдөж инээлддэг. Энэ нь биднийг нэгтгэдэг
Хавьерыг үрчилж авснаас хойш хэдэн жилийн дараа асрамжийн газрын хөтөлбөрийн захирал дөрвөн настай хүүг өсгөх боломжтой эсэхийг лавлан Фармерт ханджээ. Харин тухай үед хоёр хүү үрчилж аваад байсан Фармер эргэлзэж байв.
Залуу эхлээд татгалзсан ч хэрэв болох ёстой зүйл бол жамаараа хэзээ нэгэн цагт дахин нэг оролдлого бий болох байх хэмээн ирээдүйд найдан орхижээ. Гэвч хэдхэн сарын дараа өнөөх захирал Жеремиа гэх хүүгийн талаар өгүүлэн дахин утасдаж, түүнд гэр бүл хэрэгтэй байгаа талаар учирлажээ. Фармер “Болох ёстой зүйл болдгоороо болж байна гэж би бодсон. Түүний хамт байх гэр бүл нь бид гурав байсан” гэжээ.
Удалгүй Иеремиа гэр бүлийн дахин нэгэн шинэ гишүүн болж өдгөө Жэксон 19 настай, Хавьер 17 настай, Жеремиа 11 настай гэнэ. Тэд гэр бүлээрээ аялах, парк үзэх, шинэ хотуудтай танилцах, далайн эргээр зугаалах явах дуртай гэнэ. Гурван хүүгийн аав Фармер “Бид хамт байхаараа байнга хөгжилдөж инээлддэг. Энэ нь биднийг нэгтгэдэг” гэжээ.
Тэрээр хүүхдийг эергээр асран хүмүүжүүлэх болон үрчлэн авах талаар бодохыг бусдад уриалжээ. “Ганц бие эцэг эх байх нь тийм ч буруу зүйл биш. Би хүмүүсийг зөвхөн өөрийн төрсөн хүүхдээс гадна ээж аавгүй, орон гэргүй хүүхдийг үрчилж авахыг хэзээд дэмжих болно” гэжээ.
Хөвгүүдээ өргөж авах нь түүний хувьд зорилго нь байсан ч Фармер энэ бүх хугацаанд өөрийнхөө талаар илүү ихийг мэдэж авсан хэмээжээ. “Би бодсоноосоо илүү тэвчээртэй хүн юм байна лээ. Энэ нь мөн надад аав болох, эцэг хүн байх боломжийг олгосон” гэжээ.
Эх сурвалж: Today