Энэ сувилагч бүсгүй Төрийн тусгай албан хаагчдын нэгдсэн эмнэлэгийн улаан бүсэд ажиллаж байгаа. Мэргэжлээрээ 30 жил ажиллаж байгаа бурхан сувилагч бна. Ажилдаа үнэхээр сэтгэлтэй, хүнтэй хүн ёсоор харьцдаг, долингоршиж “эвдрээгүй” сайхан хүн юм.
Ерөөс энэ эмнэлэгт 7 хонохдоо “эвдэрсэн” хүнтэй тааралдсангүй. Бүх эмчилгээ үйлчилгээ сэтгэл ханамж 100 хувь. Хөөрхөн ааштай залуухан хоёр эмч бүсгүй ээлжилж орж ирэн өвчтөнүүдийн зовиур өөрчлөлтийг маш анхааралтай сонсож дүгнэлт хийн эмчилгээндээ тусгаж бна.
Энэ эмнэлэг хуучин Яамны эмнэлэгийн үргэлжлэл цэргийн албаны нэг тийм яс чанар уламжлагдаад явж бгааг харлаа. Одоо ч хилийн цэргийн ангийн статустай юм бна. Төсөв хөрөнгөө зориулалтаар нь, зохих ёсоор оновчтой зарцуулдаг, идлэг уулга гэдэг юмнаас хол болох нь мэдрэгдэж бна.
Улсын бусад эмнэлэгүүд ковидтэй хатгаа болж хүндэрсэн хүмүүст чухал шаардлагатай өндөр үнэтэй эм тариаг гаднаас ар гэрээс нь авахуулж хийж байхад энэ эмнэлэг дотроосоо хангаж чадаж байна. Өчнөөн жил өндөр даатгал төлж ирснийхээ буянг энэ хүнд үед үнэхээр эдэллээ. Энэ сайхан хамт олонд маш их баярлаж байна. Судас муутай намайг эмчлэх гэж бүх хүчээ дайчилж ядарч буй сувилагч нарыг харахаар өрөвдөөд, хайр хүрээд илээд авмаар болох юм. Үйлчилгээний ажилтнууд ч цэмцийлгэж бна. 24 цаг битүү баглаатай усны гуталтай бна, даанч хүнд нөхцөлд ажиллаж бна.
Энэ хүмүүсийн цалинг онцгой мэдэгдэхүйц нэмээсэй! Олны дунд цөөн байгаа бусад болохгүй нөхөдийн тусгалаар эмнэлэгийнхнийг хавтгайд нь битгий муугаар дүгнээсэй хүмүүс! Ядаж урам хайрлах нь шударга байх гэж бодоод харсан бодогдсон зүйлээ дамжуулав. Мууд хэлэх үг олдохгүй гацдаг бол сайн юманд үг дуусдаггүй бололтой хэ хэ. Сайхан бүхэн дэлгэрээсэй!!
Oройны эмчилгээ хийхээр орж ирэхдээ сайхан амраарай, өглөө ороод ирэх нь өглөөний мэнд гэсэн бичгэн мэндчилгээтэй сувилагч Пүүжээдээ баярлалаа!!! Эелдэг нямбай сувилагч охин Болороодоо баярлалаа!! Бүгдэд нь баярлаж бгаа шүү. Эмчилгээ үргэлжилж л бна. Пүүжээгийн өөрийнх нь зөвшөөрлөөр найзалж, зургийг нь тавьж тагласан болно!!








































