Халуун бантанг алдаад асгачихвал ийш тийшээ үсэрч наалдаад хамаг юм түлж орхидог. Түүн шиг Халдварт өвчин судлалын үндэсний төвийн БАНТАН өнөөдөр хал балаа гаргаж бүр ЖОНХУУРАХ тийшээ болчхож.
Тус төвийн захирал Б.Нямхүүг огцруулсны дараа Төрийн тусгай албан хаагчдын нэгдсэн эмнэлгийн дарга Л.Баттөрийг даргаар нь томилсон. Энэ үед “ХӨСҮТ-ийг ТТАХНЭ шиг болгох нь, менежмент сайтай залуу. ХӨСҮТ-ийг өөд нь татах цаг болсон. ЭМЯ оновчтой шийдвэр гаргалаа гэж ирээд л магтаж байв. Гэтэл магтсан хүүхэн…” гэдэг шиг өнөөх Л.Баттөрийг дорвитой зүйл хийсэнгүй гэх шалтгаанаар ажлаас нь чөлөөлөх болж, мань хүн ч “Өөрийн хүсэлтээр…” гэж өргөдөл бичсэн сурагтай.
“Өмнө нь байсан захирал нь хөдөлмөрийн маргаан үүсгэн шүүхдэж, бараг л ЗӨВДӨЖ байгаа тул Л.Баттөр захирал эхнээсээ л энэ ажилд сэтгэл гаргасангүй” гэж хамт олон нь ярьж байгаа нь ч оргүй зүйл биш бололтой. Нөгөөтэйгүүр шинэ дарга багаа бүрдүүлж энд тэндээс эрээвэр хураавар нөхдийг мэргэжлийн хүний хийх ёстой ажил, албан тушаалд томилсон, 50-иас дээш насныхантай ажиллахгүй…” гэх зэргээр ялгаварлан гадуурхалт явуулсан зэрэг нь ч түүний “сэтгэлгүй” гэдгийг нь гэрчилнэ гэж хамт олон нь хэлж буй аж..
Юутай ч хүний сэтгэлээр хандсан” гэх нэр хочтой болчхоод байгаа Л.Баттөр ийнхүү чөлөөлөгдөж, оронд нь н.Чинбаяр гэгчийг үүрэг гүйцэтгэгчээр томилсон аж. Гэхдээ тун удахгүй хуучнаар МАХН-ын хатагтай ЭМ-ийн сайд асан Н.Удвалын хамаарал бүхий Ц.Билэгсайхан гэх нөхөр ХӨСҮТ-ийн захирлаар томилогдох гэж байгааг баттай эх сурвалж мэдээлэв.
Хамт олон нь тэрхүү Ц.Билэгсайхан гэгчид бас ч нэг сайн амтай биш бололтой. Тэрбээр хоёрдугаар төв эмнэлгийн дэд захирлаар ажиллаж байсан бөгөөд түүний үндсэн мэргэжил нь лабораторийн эмч аж. Эрүүл мэндийн салбарт туршлагагүй ийм хүнийг улсдаа ганцхан байдаг томоохон эмнэлгийг удирдаад аваад явна гэхэд итгэхэд хэцүү л юм гэж түүнийг голж байгаа гэх.
Угтаа бол хэн нэгнээс хамаарал бүхий хүмүүс хэзээ ажлаа тултал нь хийж чаддаг байлаа. Тийм ч учраас ХӨСҮТ-ийн хамт олон манай БАНТАН бүр ЖОНХУУ болж байна. Яана даа гэж халаглацгааж байна.
Товчхондоо бол Ковидын үеэр тэнд олон сая төгрөг эргэлдэж байгаа болохоор үхэлдэж, улстөрчид хийгээд албан тушаалтнууд л тэр хавиар эргэлдэж байна гэж нийт масс харж байгааг ч энд хэлэх хэрэгтэй биз ээ.
Эх сурвалж: Erennews.mn
