УИХ-ын гишүүн Б.Дэлгэрсайханы 7 дахь эхнэр байсан “Усны гүнж”
“Aqua фитнесс” ажиллуулж, “Усны гүнж” гэж алдаршсан Б.Уянга гэж эмэгтэй бий. Цагтаа сонин хэвлэлээр хувийн амьдралаа дэлгэрэнгүй ярьсаар олны танил болсон нэгэн. Усны гүнж Укагийн анхны хайр “Хар тас”-ын Марка, тэд дундаасаа охинтой гэдэг.
Ука “Хар тас”-ын Маркагаас салан, Япон явж багагүй хугацаанд амьдарсан. Ирэхдээ “Aqua фитнесс”-ээ “импортлон” ажиллуулж, өөрийгөө болон фитнессээ давхар рекламдаж эхэлсэн билээ. Охиноо ганцаараа өсгөж өрх толгойлсон ээжийн амьдралаар удаан амьдарсан Б.Ука “Дорнын говь”-ийн Дэлгэрсайхантай амьдарсан. Укагийн бага хүү нь УИХ-ын гишүүн Б.Дэлгэрсайханых. Ука энэ жил 45 хүрч байгаа бол хүүгийнх нь эцэг өөрөөс 20 насаар ах гэнэ.
УИХ-ын гишүүн Б.Дэлгэрсайхан гишүүний хувьд “Усны гүнж” Ука түүний 7 дахь эхнэр нь гэж хэвлэлүүд бичдэг. Хосууд Сентоза аралд сүй тавьж, алмаазан бөгж өгч дуулиантай эхлэн, дундаасаа хөөрхөн хүүтэй болсон ч хамтын амьдрал нь удаан үргэлжлээгүй. Харин одоо ганц бие ээж, эрх чөлөөтэй Б.Уянга гандан буурахгүй хагас нүцгэн зургаараа гангарсаар л яваа.
Дэлхий даяар тархсан цар тахлын нөлөөгөөр ““Aqua фитнесс” нь ажиллахгүй байгаа юм. Гэхдээ Монголын толгой баян эрийг үд хэвийсэн насанд нь нуган үрийн зулай үнэрлүүлсэн усны гүнж Ука хөрөнгө мөнгөний талаар толгой өвддөггүй. Хүнд хүн, тэр дундаа өтөл насанд өв залгамжлах хүү төрүүлж өгнө гэдэг хувийн амьдралын хувьд том гавьяа.
Ямартай ч Б.Дэлгэрсайхан хэдий салсан ч Укагаа бяцхан хүүгийн хамт эд мөнгөөр дутаадаггүй гэдэг. Юуны төлөө Ука тэрбумтны хүүг төрүүлсэн билээ, гоо сайхны мэс ажилбарыг сонирхож, эхээс төрсөн төрхөө багагүй хувиргасан шиг хангалуун амьдарч явна.
