Монголын морин спорт уяачдын холбооны түүхэнд үнэтэй хувь нэмэр оруулснаараа мөнхөрсөн Г.Пунцагбалжир агсны удам залгах ганц хүү П.Энхмөнх начин цолтой, алдарт уяач. Хур баян хүний ганц хүү болохоор П.Энхмөнх хэл ам хурц, тэмцэгч дайчин чанартай. 
Сая наадмыг эсэргүүцсэн улсын эсрэг морьтой жагсаалыг удирдан, хэлсэн үгээрээ эргээд олны анхааралд ороод байгаа. Ер нь П.Энхмөнх үе үе томоохон шуугианд нэр холбогддог. Загвар өмсөгч бүсгүйг хүчирхийлсэн гэж жил гаруй яригдаж, цагдаа шүүхдээ тулаад арай гэж намжлаа. Мөн УИХ дахь АН-ын бүлгийн дарга боллоо гэж хэсэг шүүмжлүүлээд, ажлаа өгснөөр энэ яриа намжсан.
Мөн морьтой хүчтэй П.Энхмөнхийг чимдэг зүйл нь бүсгүй хүн. Тэрээр нэг хэсэг Топ модель Г.Уранцэцэгтэй хамт амьдарч байсан. Айлын эрх ганц хүү П.Энхмөнх, европт өсвөр насаа өнгөрөөсөн мал мах, морь хурдаас дэндүү хөндий Г.Уранцэцэг хоёрын амьдралын зам даанч нийлээгүй.
Одоо П.Энхмөнх бизнесийн талбарт ажиллаж “Мон-Эрдэнэ” компаниа толгойлох болсоор удаж байгаа. Пунцагбалжирын Энхмөнх 2011 онд “Чингис” зочид буудлын түүхэнд байгаагүй хөрөнгө бэл заасан, өндөр өртөгтэй хуримын захиалга өгч, 350 зочин урьж, олны хэлдгээр нижгэр хурим хийсэн. Эхнэр нь Г.Урангоо гэж бүсгүй бий. 
Г.Урангоо Скайтел компанийн маркетингийн албанд ажиллаж байсан, П.Энхмөнхийн “экс” Г.Уранцэцэгтэй үйлийн үргүй адилхан бүсгүй бий. Анх хуримаа хийж байх үеэрээ П.Энхмөнх “Арван хүүхэдтэй болно” гэж ярилцлага өгч байлаа. П.Энхмөнх амласнаараа 10 хүүхэдтэй болоогүй ч, энэ цагийн залуус дотроо олон хүүхэдтэйд тооцогдох өнөр бүл болжээ.
