Топ модель Ч.Туяацэцэг 2004 оны Гоёл наадмын Топ модель болсон. Загвар өмсөгч Ч.Туяацэцэг МИАТ-д олон улсын онгоцны үйлчлэгчээр 10 жил ажилласан юм. Дараа “MCS” компанийн үл хөдлөх хөрөнгө борлуулалтын хэлтэст ажиллаж, компанийнхаа шилдэг ажилтнаар шалгарч байсан ажил хэрэгч бүсгүй. Загвар өмсөгчид дотроос хамгийн өндөр боловсролтой, харилцааны соёлтой гэгддэг Ч.Туяацэцэг Топ Болормаа, Э.Одгэрэл, мисс Ч.Мичидмаа зэрэг өөрөөсөө эгчмэд “шалгарсан” загвар өмсөгчидтэй дотно байдаг.
Хааяахан “Говь”, “Торго”, “Гоёо” зэрэг нэр хүндтэй шоунд оролцохоос өөрөөр загварын тайзан дээр гардаггүй ч, формоо хадгалж, залуухан загвар өмсөгчдөөс огт дутахгүй биеэ авч явдаг. Ч.Туяацэцэг Сингапурт очиж сурч, боловсролын зэрэг нэмээд ирсэн. Ч.Туяацэцэг энэ жил 43 нас хүрнэ. Одоо ч ганц бие амьдардаг.
Ч.Туяацэцэг УДШ-ийн дарга, УИХ-ын гишүүн асан Д.Дэмбэрэлцэрэнгийн хүү Д.Мөнх-Эрдэнэтэй хамтран амьдарч байсан ч дундуур нь нэг мисс орсноос болоод хоёр тийш болсон гэдэг. Зарим нь тэр мисс бол “Жаран” Оюунгэрэл байсан гэлцдэг.
Дараа нь МЗХ-ны холбооны ерөнхийлөгч байсан А.Мөнхбаттай хайр сэтгэлийн холбоотой болж, 2009 оны намар болсон LV брэндийн дэлгүүрийн нээлтэнд хамтдаа ирсэн. Тэр үед Ч.Туяацэцэг найз залуу А.Мөнхбат, “Холливуд смайл” гэгддэг 7000 долларын цасан цагаан шүдээрээ гоёж инээмсэглэсээр ирсэн билээ. Залуучуудын “ерөнхийлөгч” А.Мөнхбаттай эв мод шиг сайхан амьдарч, хоёр хүүхэдтэй нь сайн ойлголцдог байсан ч хосуудын харилцаа, албан ёсоор баталгаажиж нэг гэрт орж чадаагүй. Топ модель Ч.Туяацэцэг, агентлагийн дарга А.Мөнхбаттай амьдарч байх үедээ нэгэн сэтгүүлийн гурван жилийн ойд зориулж, нүцгэн зургаа авахуулж байсан билээ. Бие биендээ хангалттай эрх чөлөө олгож, сайн ойлголцож байсан сайхан хос яагаад хоёр тийш болсныг бурхан л мэдэх байх.
Сайхан бүсгүйг гэх эрчүүд мунддаггүй болохоор мисс Ч.Туяацэцэг “Петровис”-ийн дэд захирал Гансүхтэй шинэ амьдрал эхлүүлсэн. Гансүх нь МУГЖ Ж.Алтанцэцэгийн нөхөр Сүхбуянгийн төрсөн дүү. Дуучин Ж.Алтанцэцэг ч “Туяацэцэг бид хоёр хувь тавилангаар нэг айлын бэр болсон” гэж бахархан ярилцлага өгсөн удаатай. Увсын гаралтай Гансүх Ерөнхий сайд Н.Алтанхуягийн “Хаан жимс” амралтын газарт Топ модель Ч.Туяацэцэгийг дагуулан ирж, зүү орох зайгүй хосууд олны нүдийг хужирлаж байсан. Харамсалтай нь хосуудын харилцаа муудаж, хамтын амьдралдаа цэг тавьжээ. Баян, буянтай айлын бага хүү Гансүх салахдаа мисс Ч.Туяацэцэг дөрвөн өрөө байр, Ранжровер машин үлдээсэн сурагтай.
Ажил хэрэгч, дайчин Туяацэцэг ч юунд гуниглахав, Зайсанд романтик лаа, бэлэг дурсгалын дэлгүүр ажиллуулж хувийн бизнесээ эхлүүлжээ.
