ХХААХҮ-ийн сайдаар аймгийн дарга М.Бадамсүрэн томилогдонгуутаа Мал эмнэлгийн ерөнхий газрын дарга А.Нарантуяаг яаран сандран ажлаас нь чөлөөллөө. Оронд тус газрын экспорт импортын асуудал хариуцсан асар их ашиг сонирхлын зөрчилтэй Б.Батсүх гэгч этгээдийг хууль зөрчин байж өөрийн тушаалаар үүрэг гүйцэтгэгчээр томилсон. Уг Б.Батсүх гэгч этгээдийг ХХААХҮ-ийн Сайд асан З.Мэндсайхан экспортын гэрчилгээ олгохдоо бизнес эрхлэгч нараас шан харамж авдаг асуудлаар ажлаас чөлөөлөлж байсан байна.
Б.Батсүхийн гарын үсэг зурж БНХАУ-руу экспортлосон махнаас удаа дараа зөрчил илэрч БНХАУ-ын Гаалийн ерөнхий газраас энэ хүний гарын үсэгтэй махыг импортлохгүй гэж удаа дараа ХХААХҮ-ийн Сайд М.Бадамсүрэнд мэдэгдсэн ч нөгөө шаардлага хангахгүй Б.Батсүхийнхээ гарын үсгийн баталгааг БНХАУ-ын Гаалийн ерөнхий газарт удаа дараа илгээсэн байна. Гэтэл 2026 оны 2 сарын 03-наас хойш БНХАУ-руу нэг килограмм ч мах орж чадсангүй. Тэр бүү хэл энэ МЭЕГ-ын даргын үүрэг гүйцэтгэгч Б.Батсүхийн нарын үсэгтэй гэрчилгээтэй 30 гаруй машин Монгол улсын хилийн нэвтэрсэн ч БНХАУ нэвтрүүлэхгүй гээд буцаачихаж.
Одоо Замын-Үүд боомтод энэ бүтэлгүй Сайд М.Бадамсүрэнгийн увайгүй томилгооны албан тушаалын хэнээтэн Б.Батсүх гэгчийн гарын үсэг зурж гэрчилгээ олгосон мах ачсан 140 гаруй машин 40 гаруй хоног гацлаа. Дэлхийн дайны энэ хүнд нөхцөлд жаахан ч гэсэн экспорт хийгдэж бага ч гэсэн мөнгө орж ирвэл малчдын амьдралд хэрэгтэйсэн. Бүтэлгүй сайд М.Бадамсүрэн, албан тушаалын хэнээтэн Б.Батсүх нараас хэн мах экспортлогчдын хохирол, Монгол Улсын нэр хүндийг унагаж экспорт зогсоосон хариуцлагыг нэхэх вэ?
Discussion about this post