Сербийн Белград хотноо болж буй ДАШТ-ий эрэгтэй чөлөөт бөхийн 125 кг-ын жинд ОУХМ М.Лхагвагэрэл алтан медалийн төлөө барилдахаар шалгараад буй юм.Тэрбээр олимп, дэлхийн аварга Туркийн Таха Ахгультай барилдана.
Тэгвэл түүнтэй барилдах Туркийн Таха Ахгюль гэж хэн бэ
Таха Ахгюль нь олимп дэлхийн аварга болж байсан гэхээр тийм ч зөөлхөн “боорцог” биш.
“Рио-2016” олимпийн наадам болон дэлхийн хошой аварга Туркийн хүнд жингийн алдарт бөх Таха Ахгюль “Буурал тив”-д найм (2012, 2013, 2014, 2015, 2017, 2018, 2019, 2021 он) дахиа түрүүлж байв.
Өнгөрсөн жил мөрний хагалгаанд орж жил хагас орчим барилдаагүй ч гол өрсөлдөгч, дэлхийн гурван удаагийн аварга Гүржийн Гено Петриашвили, Беларусийн өсч яваа залуу Денис Хроменков, 2021 оны Оросын аварга 20 настай Сергей Козырев нарт хичээл заан тивдээ хамгийн олон түрүүлсэн өөрийн тогтоосон дээд амжилтаа ахиулж байсан “шийртэй” эр билээ.
Тэгэхээр хоёр бөхийн барилдаан аль талдаа шийдэгдэхийг таамаглахын аргагүй. Хамгийн гол нь манай тамирчин М.Лхагвагэрэлийн хувьд сэтгэл зүй, бэлтгэл сайтай байгаа учраас нэг их айгаад байх зүйл байхгүй л болов уу.
