Тавтын орд нь алт, мөнгө, зэсийн нөөцтэй үндсэн ордоос бүрддэг. Тус орд Улаанбаатар хотоос 540 километрийн зайд Булган аймгийн Тэшиг сумын нутаг дэвсгэрт оршдог. Тавтын алтны ордыг 1986-1988 онд Оросын геологичид нээж, 130 тонн алтны хүдэр, 370 тонн мөнгө болон нэлээд их хэмжээний зэсийн нөөцтэй гэж тооцоолжээ.
Энэ орд одоо экс ерөнхийлөгч Ц.Элбэгдорж, “Эзэн” Эрдэнэбилэгийн эзэмшилд очсон гэнэ. Монголын хамгийн томд тооцогддог “Тавтын алтны орд”-ны дэргэд экс ерөнхийлөгч Ц.Элбэгдоржийн амьдардаг хаусаа сүндэрлүүлэн барьсан байна. Алт, мөнгө, зэсийн агуулгатай тус ордыг Ц.Элбэгдорж, Монгол улсын мөнгөний авдар дээр суусан нууц ноёнтон гэх сахал Д.Эрдэнэбилэгийн хамт эзэмшдэгнн ил зарласан нь энэ бололтой.
“Сахал” Д.Эрдэнэбилэгийн хувьдд нэгэнт Монгол Улсын эзнээр өргөмжлөгдөөд байгаа, хэмжээлшгүй их хөрөнгөтэй тэрбумтан. Худалдаа Хөгжлийн Банкны ТУЗ-ийн дарга, “Улаанбаатар” банкны 99 хувийн хувьцаа эзэмшигч, Хөтөлийн цемент шохойн үйлдвэр, Дарханы төмөрлөгийн үйлдвэр, сүүлд “Эрдэнэт” үйлдвэрийн 49 хувийг Оросуудаас худалдаж авсан гээд эзэмшил, хөрөнгийг нь тоочвол барагдахгүй баян. Мөн нууц ноёнтон, үнэхээр л ЗГХЭГ-ын Ц.Нямдоржийн нэгэнтээ хэлснээр энэ улсын “эзэн” мөн. Ямартай ч экс ерөнхийлөгч Ц.Элбэгдоржтой ихээхэн сүжирдэг Д.Эрдэнэбилэг “Тавтын алтны орд”-ыг хамтран эзэмшиж, эд хөрөнгөө үлэмж ихээр нэмэгдүүлж байна.