ЭМЯ-ны сайд Т.Мөнхсайхан цаг үеийн асуудлаар мэдээлэл хийлээ.
Тэрээр “Маргааш буюу нэгдүгээр сарын 11-нд бүх нийтийн бэлэн байдлаа зэрэглэл буурч хөл хорионы дэглэм суларч байгаатай холбогдуулан нийт ард иргэддээ өнгөрсөн хугацаанд авч хэрэгжүүлсэн арга хэмжээ, цаашид авч хэрэгжүүлэх арга хэмжээ, өнөөгийн цаг үеийн байдлаар товч мэдээлэл өгье. Дотоодод халдвар гарснаас хойш хоёр сарын хугацаанд 1 сая 200 мянга гаруй хүнд шинжилгээ хийж, 1300 гаруй хүнийг эмнэлэгт хэвтүүлэн эмчилсэн.
Халдвар голомтлон гарсан зургаан аймагт бодлого, мэргэжил, арга зүйгээр хангах 10 багийг ажиллуулан шаардлагатай тоног төхөөрөмжөөр ханган 500 гаруй сая төгрөгийн нэг удаагийн хамгаалах хувцас, хэрэгсэл, тоног төхөөрөмжөөр ханган ажиллалаа.
Үүний үр дүнд халдвар гарсан аймгууд бүгд халдваргүй бүс болоход ойрхон болсон байна. Сэлэнгэ аймагт, Дорноговь аймгийн Замын-Үүд суманд халдвар гарахгүй 18 хоносон. Цаашлаад халдвар гарахгүй 10 хонох юм бол бүх аймаг халдваргүй эрүүл бүс болно.
Өнгөрсөн 12 сарын 16-нд Баянзүрх дүүргийн нэгдсэн эмнэлэгт халдварын голомт гарч өргөн хүрээг хамарч арванхоёрдугаар сарын 13-наас хатуу хөл хорио буюу бүх нийтийн бэлэн байдлын зэрэгт шилжин ажиллаад 14 хонож байна. Маргааш хөл хорионы дэглэмийг сулруулна. Өдөрт бүртгэгдэж байгаа тохиолдлын тоо их байхад хөл хориог сулруулж байгааг зарим иргэд ойлгохгүй байгаа тал бий. Хөл хорионы дэглэмийг сулруулах цаашид хэрхэн яаж арга хэмжээ авах вэ гэдэг нь зөвхөн өдөрт илэрч байгаа тохиолдлын тооноос хамаарахгүй. Энэхүү илэрч байгаа тохиолдлууд дөрвөн төрлийн голомтоос үүсэж гарч байгаа тохиолдлууд гэж харж байгаа.
Ачтан эмнэлгийн халдвар эмч, эмнэлгийн мэргэжилтнүүдийн хүрээнд явах нь тодорхой болоод байгаа
- Нэгдүгээрт, Баянзүрх дүүргийн нэгдсэн эмнэлэг маш том голомт байсан. Улаанбаатарт нийт 603 тохиолдол бүртгэгдсэнээс 54 хувь нь Баянзүрх дүүргийн эмнэлэгтэй холбоотой тохиолдлууд байсан. Өнгөрсөн өдрүүдэд Баянзүрх дүүргийн эмнэлэгтэй холбооттой тохиолдлын тоо эрс цөөрсөн.
- Хоёрдугаарт, Ачтан эмнэлэгтэй холбоотой голомт. Үүнд Ачтан эмнэлгийн эмч, эмнэлгийн мэргэжилтнүүдийн хүрээнд явах нь тодорхой болоод байгаа. Учир нь өнгөрсөн хугацаанд хэвтэн эмчлүүлсэн, үйлчлүүлсэн бүх иргэдийг шинжилгээнд хамруулахад халдвар авсан тохиолдол гараагүй. Ялангуяа Баянгол дүүргийн 5, 6 дугаар хороонд байрлах Ачтан эмнэлгийн ажилчдын байртай холбоотой голомт үүссэн.Үүнтэй холбоотойгоор тус 5, 6 дугаар хорооны нийт 20 мянган иргэнийг шинжилгээнд хамруулахаар ажиллаж байна. Одоогоор нийт 14 мянган иргэнийг шинжилгээнд хамруулахад 6 тохиолдол батлагдсан. Гэхдээ эдгээр зургаан тохиолдол халдварын хоёрдогч хавьтлаар бүртгэгдээд эхний шинжилгээгээ өгсөн байсан. Хоёр дахь шинжилгээнд нийтийг хамарсан шинжилгээнд хамрагдан тогтоогдсон тохиолдлууд байгаа. Өнгөрсөн хоёр хоногийн хугацаанд илэрч байгаа тохиолдлууд хяналтад тусгаарлах байранд байгаа тохиолдлууд илэрч байгаа. Эндээс өдөрт илрэх тохиолдлын тоо 10-аа доош байгаа.
- Гуравдугаарт, Тэнүүн Огоо автобус баазтай холбоотой голомт явж байгаа. Энэ голомтоос илрэх хүний тоо өдөрт 5-аас доош илэрч байгаа учраас бид бүхэн үүнийг хязгаарлаж хяналтдаа авсан гэж ойлгож болно.
- Дөрөвдүгээрт, Мөнххада компанитай холбоотой голомт. Хавьтлуудын тусгаарлаж шинжилгээнд хамруулсан. Сүүлийн өдрүүдэд энэ голомтоос илрэх халдварын тоо маш цөөн болсон. Цаашид иргэд ковидтой үеийн амьдралын шинэ хэв маягт дасан зохицох хэрэгтэй болж байна.
Улаанбаатарын нийт 70 мянган иргэнийг өрх бүрээс нэг иргэнийг хамруулах шинжилгээнд хамруулсан. Баянзүрх дүүргийн 90 мянган иргэнийг шинжилгээнд хамруулсан.
Улаанбаатар хотын онцлогт таарсан байдлаар тандалтыг зохион байгуулж байна. Иргэд Ковид-той амьдрах шинэ амьдралын хэв маягт дасан зохицох ёстой гэж харж байгаа. Түүний тулд нийт ард иргэд цаашид явагдах хөл хорионы дэглэм, авч хэрэгжүүлэх арга хэмжээ ямар үзүүлэлтээс шалтгаалах ёстой вэ гэдгийг мэдэж байх ёстой. Үүнд өдөрт илэрч байгаа шинэ тохиолдлын тоо чухал. Өмнө нь Баянзүрх дүүргийн нэгдсэн эмнэлэгтэй холбоотой өдөрт илрэх тохиолдлын тоо 50 хүрч байсан бол өнөөдөр шинэ илрэх тохиолдлын тоо 20 болж буусан. Мөн өдөрт бүртгэгдэж байгаа шинэ голомтын тоо цаашид авч хэрэгжүүлэх ажилд чухал нөлөөтэй. Дараагийн гол үзүүлэлт бол халдварын түвшин. Баянзүрх дүүргийн нэгдсэн эмнэлгийн голомтоос халдварын тохиолдол гарч байхад халдварлуулах магадлал 14 хувь хүрч байсан. Энэ үзүүлэлт өнөөдөр 1.1 хувь болтлоо буурсан.
10 мянган хүн амд ногдох халдвартай хүний тооноос шалтгаалж цаашид авч хэрэгжүүлэх арга хэмжээ шалтгаална. Өнгөрсөн хоёр сарын хугацаанд бид бүхэн эдгээр үзүүлэлтийг харж эрсдэлийн үнэлгээг хийж салбар дундын зөвлөгөөнөөр цаашид авах арга хэмжээг цаг үеийн нөхцөл байдалтай нь учлдуулж авч хэрэгжүүлж ирсэн.
Манай улсын хувьд вакциныг түргэвчилсэн байдлаар батлах журмаа гаргаж энэ долоо хоногт баталсан.