1900 онд Богд хааны Засгийн газраас Дунд голын ойр орчмоос өндөг түүхийг хориглосон зарлиг гаргаж байжээ. Хятад, Орос голдуу нөхөд Дунд голд ихээр ирдэг шувууны өндөг түүдэгтэй холбоотой зарлиг юм. Ерөнхийдөө хятадын эрлийзүүд голдуу гахай, тахиа тэжээж үр хүүхэд нартаа Уянга, Цэцэг гэсэн нэр өгдөг болсон юм билээ.
Коронавирус гарсан цагаас хойш өндөг, ногоогоор Улаанбаатарчууд тасраад сүйд боллоо. Урд өмнө Дэвшил ногоогоор, “Түмэн шувуут” компани өндөгөөр хангаад байсан юм. Гэтэл хил хаагдангуут өндөг, ногоо тасарсан олон иргэдэд “Бид хаанаас өндөг иддэг байсан вэ” гэх хардлага төрөх болов. “Түмэн шувуут” компани гэхэд зөвхөн Улаанбаатар биш Монгол Улсыг өндөгөөр хангах хүчин чадалтай гэдэг. Гэтэл цөөхөн иргэдээ тэр хүсээд байгаа өндөгөөр нь хангаж чадахгүй нь үнэн царайг илчилсэн үү гэлтэй.
Засгийн газраас ОХУ-аас долоон чингэлэг нарийн ногоо оруулж ирж байгаа гэсэн мэдээлэл тархаж БНХАУ-аас их хэмжээний өндөг, тахианы мах ирсэн сураг байна. Ямартаа ч шинэ жилээр өндөг, нарийн ногоогоор олдоцтой байх бололтой. Тэгэхээр Монгол Улс өндөг, нарийн ногоогоо дотоодод үйлдвэрлэж тариалж чаддаггүй байх нь. Ногоочид “Хэрвээ нарийн ногоогоо хадгалах зоорьтой, үнийн хувьд тогтвортой байдаг бол тариалж чадна” гэцгээж байна.
“Түмэн шувуут” компани хятадаас өндөгөө авдаг уу, тамга дараад монголчуудаа хуурдаг уу зальддаг уу гэсэн асуулт гарч ирж байна. Хэрвээ өндөг оруулж ирдэг бол энэ гэмт хэрэг юм. Тийм учраас хууль хяналтынхан аль аль байгууллага хэдэн чингэлэг өндөг урдаас оруулж ирсэн гэдгийг шалгах цаг болжээ. Олон иргэд улс төрчид ЖДҮ-гийн боломжийг хулгайлаагүй бол өдийг өндөгөөр, нарийн ногоогоор тасрахгүй байлаа гэх. Үнэн ч байж мэднэ.
Өндөг иддэггүй хүн…
