2020 оны 12-р сарын 6-ны өдөр ХӨСҮТ-ийн вирус судлалын хоёр, ЗӨСҮТ-ийн лаборатори, явуулын хоёр авто лаборатори, Дархан, Сэлэнгэ, Орхон, Дорноговь аймагт ажиллаж буй салбар лабораторид нийт 23,341 хүнд PCR шинжилгээ хийж, үүнээс батлагдсан 38 тохиолдол илэрсний 32 нь Улаанбаатарт илрээд байгаа билээ. Улаанбаатарт илэрсэн тохиолдлын гурав нь Цэргийн төв эмнэлэг, бусад 29 нь халдварын ойрын хавьтал хэмээн тусгаарлагдсан хүмүүс, тэдний гэр бүлд илэрсэн. Мөн Сэлэнгэд 2, Дорноговь 3, Орхон аймагт 1 тохиолдол шинээр нэмэгдэж, дотоодын халдварын тоо 439, манай улсад бүртгэгдсэн халдвар 887 болоод байна.
Батлагдсан тохиолдлоос 384 нь эдгэрсэн бол 494 нь эмчлэгдэж байна. Эмчлэгдэж байгаа хүмүүс дунд хоёр хүний биеийн байдал маш хүнд, таван хүний биеийн байдал хүнд, 71 хүний биеийн байдал хүндэвтэр байна. Коронавирусийн халдвартай 3 сартай хүүхдээс 91 настай хүмүүс эмчлэгдэж байна. Тодруулбал, 0-9 насны 51 хүүхэд, 65-аас дээш насны 20 хүн байгаагаас 80, 81, 91 настай ахмад хүмүүс байна. Мөн эмчлэгдэж байгаа нийт хүмүүсийн 212 нь эмэгтэй, 282 нь эрэгтэй байна” гэлээ.
Тэгвэл Сонгдо эмнэлэгийн дарга Гавъяат эмч Бундангийн Болдсайхан өөрийн твиттер хуудсаараа дамжуулж ард иргэдэд сэрэмжлүүлэг хүргэлээ. Тэрээр ийм хүчирхэг Тува, хүчирхэг Урианхай-Монгол залуу Ковид-19-р нас барсан. Та бүхэн огтхон ч назгайрахгүй өөрийгөө, гэрийнхэн, ажлын хамт олноо маш сайн хамгаалж бие сэтгэлийн чанга хатуужилтай гэртээ 6 сар тэвч гэж эмч хүний хувьд захья даа хэмээсэн юм.
