МҮОНРТ-ийн захирлыг сонгон шалгаруулалт зарлагдаж Үндэсний зөвлөл гэгчийн нөхдийн халаас зузаарч байгаа сурагтай. Угаасаа ил далд урамшуулал аваад сурчихсан нөхдүүд байгаа гэнэ. Саяхан л ажилтнуудын бослого үймээний үеэр “Өөрийн хүсэлтээр ажлаа өгөхөө” зарласан Л.Нинжжамц эргэн ирэхээр хөөцөлдөж байгаа гэнэ. Хамгийн сонирхолтой нь түүнтэй хамтран зүтгэж байсан МҮОНРT-ийн дэд захирал Г.Гэрэл, Ч.Батцэнгэл нар дэвшжээ. Энэ хоёр нэр дэвшигч улс төрийн дэмжлэг өндөртэй бөгөөд МҮОНРТ-ийн хамт олон “Бидний хөөж явуулсан Нинжжамцаас юугаараа ялгаатай юм бэ” гэсэн байна.
Энэ хоёр нэр дэвшигч Нинжжамцаас өөр арга барил, уран бүтээлчээр хандана гэдгээ илэрхийлж байгаа юм. Мөн хуучин дарга асан М.Наранбаатар дахин оролдлого хийж байгаа ч дэмжлэг авахгүй нь тодорхой. “Сэрүүлэг” сонины эрхлэгч асан С.Баярмөнх УИХ-ын дарга Г.Занданшатарын дэмжлэгтэйгээр зүтгэж явна. МАН-ын хэвлэл мэдээллийн албаны дарга Алтайн Энхзул амбицтайгаар дэвшиж явна. “Та өнөөдөр баасан уу” гэдэг алдарт асуултаа олон нийтээс асуухаар МАН-ын дэмжлэгтэйгээр зүтгэж явна.
МҮОНРТ-ийн сэтгүүлч Б.Цондовдорж, А.Бүрэнбаатар, Ш.Бямбацогт зэрэг Л. Нинжжамцад хөөгдөгсөд нэр дэвших гэхээсээ илүү 1000 морь уралддаг гэдэг зарчмаар бүртгүүлсэн шинжтэй байна. Хүний бичсэн мэдээг уншсаар байгаад гавъяат авсан нөхрийн хувьд сүүлийн хэдэн жил Хэнтийн улс төрчдийг хоолойгоо сөөтөл уншсан ажлаа үнэлүүлэхээр шийдэв бололтой.
Улс төрийн хүрээнд хорчин, пиарчин гэдгээрээ алдартай Нинжийн Дэмбэрэл хэмээх сонирхолтой этгээд Үндэсний брэндийн ажлын албаны дарга гэсэн тодотголтой яваа харагдана. МАН-ын сонгуулийн менежер асан эрд Ерөнхийлөгчийн сонгуулиас өмнө ийм албан тушаал ямар хэрэгтэй таашгүй юм. Э.Дагиймаа, А.Энхтуул, Р.Гандиймаа гэх мэт хөөрсөн нөхөд явж байгаад МҮОНРТ-ийнхэн ихэд чамлаж “Аль нэг гaзрын хэвлэлийн алба биш дээ” гэцгээж байгаа дуулдана.
МҮОНРТ-ийн аль нэг улс төрийн бүлэглэл авдаг, тэдний хараат гэдгээ аль хэдийнэ нотлосон “Ард түмэн чинь цагаан цаас” гэдэг МҮОНРТ-ийн захирлаар аль нэг мөнгөтэй улс төрчийн бэр, нууц, амраг очино биз гэцгээж байна. Хэрвээ ард түмнээс санал авдаг бол Плэйбой сэтгүүлийн эрхлэгч Н.Болормааг дэмжих байв. Ядахдаа өөр юм үзэж сэтгэлээ баясгая л даа. МҮОНРТ-ийг сэргээх, үзэгчдийн татсан контент хэрэгтэй болохоос өрөө тасалгаа, камер, олон суваг огт хамаагүй л дээ.