Ерөнхий сайд асан Р.Амаржаргал өөрийгөө өндөр боловсролтой улс төрч гэж боддог. Түүнийг нууж чадалгүй ард түмнээ “Хар масс” хэмээн нэрийддэг билээ. Гэмгүй эрдэмтэн төрхтэй тэрээр улсын өмч байсан Санхүү Эдийн засгийн дээд сургуулийг томоохон хувьцаа эзэмшигч болж өдгөө тэрбумтан болсон. Тэр “Хар масс”-ын хүүхдүүдээс төлбөр авч тэрбумтан гэдгээ тэр бур ярихгүй юм даа.
Энэ хүн “МҮДН” хэмээх фракцийн толгойлогч бөгөөд Худалдаа Хөгжлийн банкны улс төрийн төлөөлөл гэхэд нэг буруудахгүй болов уу. Р.Амаржаргалын хувьд нэг газраас хоёр удаа УИХ-д сонгогдож байгаагүй хүн. Ховд аймаг, Баянгол, Сүхбаатар дүүргээс сонгогдоод тойргоо сольдог зуршилтай юм билээ.
Р.Амаржаргал Ерөнхий сайдаар зурвасхан ажилласан бөгөөд улс оронд хөгжил дэвшил авчраагүй улс төрч юм. Өдгөө тэрбээр АН-аас Ерөнхийлөгчид нэр дэвших сонирхолтой гэдгээ ил далд илэрхийлээд эхэлжээ. Түүний хувьд өмнө Монгол Улсын Ерөнхийлөгч дэвших сунгаанд орж хамгийн бага оноо АН-аас цуглуулж байсан удаатай.
АН-ын гишүүд дэмжигчид Х.Баттулгыг илэрхий шүүмжилж “Нөхдөө барьж иддэг” гэсэн нэр хаяг өгөөд зогсохгүй дахин дэвшүүлэхгүй гэсэн пиар яваад эхэлжээ. Хамгийн гол нь АН-аас Х.Баттулга Үндсэн хуулийн өөрчлөлтөд орсон “Нэг л удаа сонгогдоно” гэсэн заалтаар маргаан үүсгэх төлөвтэй. Уг заалтыг Ерөнхийлөгчийн Тамгын газрын дарга асан З.Энхболдын шаргуу дэмжлэг, тайлбартайгаар оруулсан байдаг юм.
Санаатай, санаагүй оруулсан гэх уг заалтаар АН-ын гишүүд Үндсэн хуулийн цэцэд маргаан үүсгэх төлөвтэй байна. Х.Баттулгыг АН-ыг самарсан, удаа дараагийн сонгуульд АН-ыг ялагдуулсан, хар пиар хийсэн М.Батчимэгийг “тагнуулч”, Х.Тэмүүжинг “Сарангэрэлдүүлсэн”, Л.Гантөмөрийг “Мүүнчин” болгосон гэх буруутгал яваад байдаг. Ямартай ч АН доторх гомдол, гутрал, ялагдал Ерөнхийлөгчийн сонгуулийн өмнө ил гарч гомдогчид нэг талдаа гарч эхэллээ.
Тэдний хувьд Х.Баттулгаас өөр хэн ч байсан яахав гэсэн үзэл дээр нэгдэж эхэлсэн учраас Р.Амаржаргалыг дэмжих магадлал өндөр байгаа гэнэ. “Хар масс” гэгдэх олныг дэмжлэгийг авч чаддаг Х.Баттулга тун эгзэгтэй байдалд орж ирлээ. Хачирхалтай нэг мэдээлэл байгаа нь Р.Амаржаргалыг АН дэмжихгүй бол Хөдөлмөрийн Үндэсний намаас дэвшинэ гэх цуурхал явж эхэллээ.