Сүүлийн үеийн мэдээллээс харж байхад Монгол Улсад коронавирус орж ирэх үүд хаалгыг Засгийн газар нээсэн болох гээд байна. Сэтгүүлч Б.Отгоны бичсэн мэдээлэл дуулиан тарьж Хуульзүйн сайд Х.Нямбаатар тайлбараа бичиж байгаа бизээ. Нийтлэлд “Энхсаран” сувилалыг үүсгэн байгуулагч нар Х.Нямбаатарыг ивээн тэтгэдэг гэж бичжээ. Бүр “Нямбаатар сан” хүртэл байгуулсан гэж бичсэн байгаа юм. Үүнээс үзэхэд Х.Нямбаатарын ивээл дор “Энхсаран” сувилал төсөл хөтөлбөр авдаг, Хятад иргэдийг дотоодын цэргээр хамгаалуулан оруулж ирсэн болох гээд байна.
Үүн дээр тайлбар хэрэгтэй болов уу. Дотоодын цэргээр хамгаалуулан шөнө дөлөөр орж ирсэн олон зуун хятад иргэдээр коронавирус нуугдан орж ирсэн. Тэд явахдаа “Энхсаран” сувилалд коронавирус үлдээгээд явсан болж таарч байна. Тиймээс нэн даруй мөрдөн шалгах ажиллагаа явуулж Х.Нямбаатарыг шалгах хэрэгтэй.
Тэрээр Засгийн газрын нэрээр хятад иргэдийг цэргээр хамгаалуулан оруулж ирсэн үү, үнэхээр цаанаасаа тийм шийдвэр байсан уу гэдгийг нягтлах цаг болжээ. Нэрт сэтгүүлч Б.Отгонд итгэдэг, түүнийг худал гоомой зүйл бичдэггүйг мэдэх эх орончид “Х.Нямбаатар коронавирустэй хятад иргэдийг санаатайгаар оруулж ирсэн, нуун дарагдуулсан” гэх мэдээлэл сэвж байна.
Монгол орныг сүйрүүлэх дөхсөн коронавирусийн аюулд Х.Нямбаатар түүний хамтрагчид үүд хаалгаа нээсэн, боломж олгосон бол үтэр түргэн зайлуулахаас өөр аргагүй юм. Ийм мэдээлэл, байдлыг зүгээр нэг хэвлэлийн шар мэдээ мэтээр хаяж болохгүй. Төрд итгэх итгэл, иргэдийн эв нэгдэл асар их сэв суулгах мэдээллийг уг мухарт хүртэл хуулийнхан явж баримт нотолгоог ил болохыг олон нийт шаардаж байна.
