1. Гамшгийн үед нийтэд зарлан мэдээлэх Нийгмийн сэтгэлзүйд тулгуурласан тусдаа дүрэм журам, техник байдаг. Онцгой байдлын дотоод хуралдаануудын шууд бичлэг, сул яриа цацдаггүй. Төрийн нууцад орох мэдээлэл гэж бий. Мөн мэдээллийн сувгуудаар зөвхөн “Хатуу хөл хорио” гэж зарлаж байгаа нь өөрөө олон нийтийг төөрөгдүүлж, амгалан тайван байдал алдуулан, сэтгэлзүйн дарамтанд оруулан өөр нэг асуудал үүсгэж байна.
“Хатуу хөл хорио” Гэдэг нэр томьёоны тайлбар огт байхгүй, олон нийт мэдэхгүй учир эхлээд авах арга хэмжээнүүдийнхээ талаар дэлгэрэнгүй мэдэгдэл хийх, хатуу хөл хорио гэдгээ тайлбарлан, бүх төрлийн мэдээллийн эх үүсвэрүүдээр түгээх ёстой. Мэргэжлийн бус хүмүүс, мэргэжлийн бус сувгуудаар онц чухал мэдээллүүдийг дамжуулж байгаа нь тэвдэлт сандралт, ойлгомжгүй байдал, паник худалдан авалт, нийгмийн стресс үүсгэж цаашлаад гэр бүлийн хүчирхийллийг өдөөж өгч байна. Мэдээлэл тодорхой, ойлгомжтой, зорилготой байх хэрэгтэй.
2. МУ, тэр дундаа Улаанбаатар хотод Гамшгаас хамгаалах төлөвлөгөө, Гамшгийн үеийн менежмент, Гамшгаас сэргэх төлөвлөгөөнүүд бүрэн байдаггүй. Эдгээр төлөвлөгөөнд ямар ямар үед хэн ямар арга хэмжээ авч, ямар газрууд яаж ажиллах алхмын дараалалтай мэдээллүүд хүртэл тусгагдсан байдаг. Иргэдэд зориулсан ийм мэдээлэл бүх хэлбэрээр хүн нэг бүрт хүрсэн байх ёстой.
Тэр дундаа Хотын дарга, Нийгмийн халамжын мэргэжилтнүүдийн өнөө өглөө хийж байх ёстой эхний ажил нь бүх хөгжлийн бэрхшээлтэй, хөдөлмөрийн чадвар алдалттай, хүнд өвчтэй, нэн ядуу, олон хүүхэдтэй, гэр оронгүй иргэддээ хүрч, шаардлагатай тусламжийг үзүүлэн, хүнс, эм, амин хэрэгцээгээр нь хангаж, шууд утсанд холбох ёстой. /гар утас, нэгж, хариуцсан эмч хуваарилах г.м/ #LAnuujin
3. Хүнсний бодлого: Улаанбаатар хотыг хүнсний бодлогогүй гэж мөн ч олон удаа хэлж ярьж, нэхэж явсан. Ямар ч хотод энгийн, гамшгийн (гал, үер, түймэр, халдварт өвчин, эдийн засг йн хямрал… бүгд ордог) өөр өөр нөхцөл байдалд иргэдээ хүнсээр тасралтгүй хангах бүрэн төлөвлөгөөнүүд, стратегийн хүнс, бараа бүтээгдэхүүний ханган нийлүүлэлт, түгээлтийн хуваарь ч бэлэн байх ёстой. Хүнсний бодлого, төлөвлөгөөтэй хотын иргэдэд өөрсдөө хүнс нөөцлөх шаардлага үүсэхгүй.
Гамшгийн бэлэн байдал нь Гамшгаас хамгаалах тухай хуулиар зохицуулагддаг. /legalinfo.mn-с уншаарай/
Жич: Монгол улс байнгын ажиллагаатай, буудайн нөөцтэй гурилын 15 үйлдвэртэй, мөн 2019 оны жилийн эцсийн байдлаар 71 сая мал тоолуулсанаас энэ өвлийн хэрэгцээний мал махлах ажлууд орон нутгуудад явагдаж байгаа тул хүнсэндээ санаа зоволтгүй.
Үүгээр хэн нэгнийг сандаргах гэсэнгүй, байх ёстой юм байх ёстой гэдгийг л сануулах гэсэн юм.
Жичийн жич: Хотын дарга эмзэг бүлэгтээ хүрж ажиллана уу. Баярлалаа
Эх сурвалж: Л.Ану-үжин
