-АНУ-ын сонгуульд НҮҮРС ялах болтугай-
Дэлхийн эдийн засгийг 2030 онд тэргүүлэх зорилт тавьсан БНХАУ-ын хүчирхэгжилт Монгол Улсыг өөрийн харъяа, нутаг дэвсгэр гэдэг үзлээ ил далд байнга илэрхийлж байдаг билээ. Хоёр том гүрний дунд орших Монгол Улсын тухайд гуравдагч орны харилцаа, дэмжлэг хүсэн төвийг сахих бодлого барихаас өөр сонголт үгүй юм.
БНХАУ-ын эдийн засаг тэлэх хэрээр Монгол Улс хараат байдалд орж соёл, үзэл санааны дайралт тасралтгүй хийж байгаа юм. Тухайлбал хэвлэл мэдээллийн байгууллагууд солонгосын савангийн дууриудыг худалдан авч монголчуудыг кимчинд оруулан хөвгүүд охидыг нарийн өмд, товчтой куртикт дурлуулах болсон.
Солонгос дуугаар дунд сургуулийн сурагчид хүмүүжиж тэдний одуудын зургийг ханандаа өлгөдөг болов. Энэ бол соёл урлагаар хийсэн эзлэн түрэмгийлэлт юм. Харин Хятад улсын тухайд зөөлөн хүчны бодлогоор хэвлэл мэдээллийн байгууллагад мөнгө төлөх зарчмаар эзлэн түрэмгийлэх бодлогоо явуулдаг. Тухайлбал сэтгүүлч нарыг жил бүр Хятадаар аялуулан идүүлж уулгах, (Оросууд уулгаж идүүлж байна уу) нэвтрүүлэг, контент хийсэн нөхдөд мөнгөн урамшуулал өгдөг.
Тэр ч бүү хэл сэтгүүлч нарт ордон барьж өгөхөөр болсон нь сөрөг зүйл бичих хүн байхгүй болгоно гэсэн үг юм. Хамгийн сонирхолтой нь хэрэггүй зүйлд зоос зарах дургуй хятадууд МҮОНРТВ-д мөнгө төлөн киногоо гаргадаг. Радиод нь тоног төхөөрөмж үнэгүй өгч байгаа нь Б.Галсансүхийн “Монголын радио хятадаар мэндэлэхэд би үхнэ” гэдэг ойртсонг илтгэдэг юм.
Хятадаас өөрийгөө хамгаалах хамгийн том зэвсэг бол үндэсний үзэл хэмээн эрт дээр үеэсээ сурталчилж ирсэн нь “Сайн эрс”-ээр илрэн харагддаг юм. АНУ-ын сонгуульд нэр дэвшигч Дональд Трампыг дэмжээд байгаа нь Хятадын хүчирхэгжилтийг зогсоох хүн гэж хардагтай холбоотой юм. Худалдааны хоригоос үүдэн Австрали улсын нүүрсний нийлүүлэлт багассан нь үнийн өсөлтөд нөлөөд зогсохгүй Монгол Улсад давуу байдал болоод байгаа юм.
Энэ бүгдээс үүдэн хэлэхэд МҮОНРТВ-ийн захирлын асуудал дотоод үймээн самуун биш. Тус телевизийн захирал Л.Нинжжамц “Телевизэд гарсан бослого үймээнийг улс төрчид гаднаас захиалсан байх” гэсэн мэдээлэл өгсөн. Үүнээс харахад Хятад кино гаргахыг эсэргүүцдэг, үндэсний үзэлтэй улс төрчид “Хар хайрцаг”-ны бодлогын хүрээнд тус үймээнийг захиалсан байх магадлал бий. Л.Нинжжамцын хөөгдөхөд үндэсний үзэлтэй хөдөлгөөнийнхөн, соёл, урлагаар хүчирхийлэл явуулж байна гэж үзэгчид баярласан талархсанаа илэрхийлж байсан.