Ерөнхийлөгч Х.Баттулгын орон тооны болон зөвлөхүүд олон бий. Улсын Ерөнхий Прокурор асан Д.Дорлигжаваас эхлээд Тусгаар тогтнол, эв нэгдлийн намын дарга Г.Уянга, УИХ-ын гишүүн асан Л.Эрдэнэчимэг, яруу найрагч Ц.Хулан, АМГ-ын дарга асан Д.Үүрийнтуяа, хуульч Р.Булгамаа, УИХ-ын гишүүн А.Адъяасүрэн нар ажиллаж байсан.
Мөн АН-аас УИХ-д нэр дэвшигч П.Нүрзэд, О.Амгаланбаатар, “Аса” Дагвадорж нар Ерөнхийлөгч Х.Баттулгын зөвлөхөөр ажиллаж байсан. Ерөнхийлөгч Х.Баттулга асуудалд орсон зөвлөхүүдээсээ аажмаар салсаар байгаа билээ.
Тэрээр өөрт гай болж мэдэх зөвлөхүүдээ УИХ-д дэвшүүлэх замаар нэлээдгүй цэвэрлэсэн. Хамгийн сүүлд л гэхэд Циркийн асуудалд холбогдсон, сумогийн их аварга Д.Давгадорж Ерөнхийлөгчийн зөвлөх, элч төлөөлөгч гэдэг ажлаа өглөө. Тэрээр Х.Баттулгад циркээ буцаан өгөхгүй гэснээс үүдэн зам салж байгаа юм байна. Монголын циркийг гудамжинд гаргасан, уналтад оруулсан Дагвадоржид Ерөнхийлөгч Х.Баттулга нүүр өгөхөө больсон нь уран бүтээлчид шүүх дээр ялах магадлал өндөрсөж байгаа юм. Ийнхүү Ерөнхийлөгч Х.Баттулга өөрийн цуглуулсан зарим нэг хог шааруудаас ирэх Ерөнхийлөгчийн сонгуулиас өмнө салж эхэлсэн байдаг.