Хүн амины хэргээр шоронгоос ирсэн С.Эрдэнэ Ардчилал, Баянгол дүүрэгт хайр ивээлээ харамгүй өгсөн юм шүү. Баянгол дүүргийн Засаг дарга болгов. Хоосон зай талбай, газар бүрийг хүү охин, хүргэн, жолооч нарынхаа нэрээр авлаа. Тэнд орон сууц, баар рестрон, сургууль, цэцэрлэг гээд бүгдийг барилаа.
C.Эрдэнийг Нийгмийн даатгалын газрын дарга болонгуутаа Д.Үүрийнтуяатай нийлэн мөнгө идээд ял авлаа. Энэ хангалтгүй байжээ. Дараа нь Нийгмийн хамгааллын сайд болов. Тахир дутуу иргэдэд өгсөн газар дээр “Шонхор тауэр” гэгчээ бариад орон байргүй АН-ыг толгой хоргодууллаа.
Мөн 25 сая ам.долларын концессоор Хандгайтад асар том амралтын газар байгуулж аваад ахмадуудын халаасыг хоослодог болжээ. Дараа нь АН-ыг мөнгө авдаг, хураамжийн төв болгоод 5-6 тэрбум төгрөг хусаж орхисон байх юм. Хулгай ч илэрч гишүүд нь түүнийг хөөх шахам явуулангуут эргээд хүргэн, охин зэргээ улс төр рүү илгээсэн байх юм.
Тэрээр С.Одонтуяатайгаа “алалцах” дөхөн байж Баянгол дүүрэгт өөрийн гэх хүмүүсээ дэвшүүллээ. Түүний хоргодох газар Баянгол дүүрэг бөгөөд асар их хулгай, хууль бус үйлдлийн ул мөр тэнд бий. Тэр ул мөрөө хадгалж хамгаалж үлдэхийн тулд С.Эрдэнэ өөрөө явсан ч сүүдрээ үлдээсэн байх юм. Түүний сүүдэр Г.Энхболд хүргэн хүү хүчтэй гэдгийн адилаар “Миний хадам шударга, тэмцэгч” хэмээн ярьж олны дургуйг хүргэж явна. С.Эрдэнэ чи одоо боль. Хангалттай идлээ, уулаа, дураараа авирлалаа. Наад дүүрэг чинь дахиад чамайг тэжээж мөлжүүлж чадахгүй шүү.
