Намар намартаа Хүрээний борчуул дөрвөн уулаа самнан самарт түүдэг түүх Манжийн хааны үед ч байсан юм билээ. Өдгөө ч хэвээрээ бөгөөд төр, засгийн зүгээс гэнэт ой модонд хайр зарлан хуш мод гэмтээлээ гэх болжээ. Үнэндээ самар түүгээд түншээд хуш мод үхдэг бол Улаанбаатар эргэн тойрон модгүй байсан биз ээ. Энэ бол самрыг нь булаах гэсэн шалтаг юм.
Иргэдийн самрыг зөвшөөрөлгүй гээд ойн байцаагч гэдэг нөхөр булаана. Энэ хэргээ мэргэжлийн хяналтын байцаагч нартай хамтран булаадаг юм. Хамгийн сүүлд худалдаж авсан самрыг гааль, Байгаль орчны яам дээрэмдээд юу ч үгүй болгодог доо. Ерөнхийдөө зөвшөөрөлгүй түүсэн самрыг хураана гэсэн заалтаар ойн байцаагчид хөлжиж байна. Үйлээ үзэн сармагчинд ойр гэдгээ харуулан түүсэн хөдөлмөрийг Бэлхийн ойн хамгаалагч буу тулган дээрэмдэж байх юм.
Самар түүгээгүй машин бүрийг ногоон бүст нэвтэрсэн гээд 300,000 төгрөг авч байх юм. Муусайн самарчид мөнгөө төлөн дээрэмдсээр. Баян хүн самар түүгээд явахгүй нь тодорхой шүү дээ. Ядарсан иргэд самраа булаалгаад нүдэндээ нулимстай бууж яваа харагдах, тэднийг хавчих хэрэг байна уу даа. Ойн байцаагч нар самарчид биш төрийн хулгайч нарт сумгүй буугаараа сүрдүүлэн дээрэмддэг болоосой. Энэ ойн манаач гэдэг албан тушаал үнэд ороод БОЯ-ны томцуулын хамаатан ордог гэнэ. Бэлх, Сэлхийн ойн байцаагч нар баяжиж дууслаа. Ийм дураараа, ширэнгийн хууль уулын ам бүрт явагдаж хамгаалах, хандах хүнгүй ядуусыг ямар их дээрэмдүүлнэ вэ.
Самарчид гээд ад үзэгдээд байгаа хүн бүрийн ард амьдрал, түүний төлөөх тэмцэл явж байгааг ойлгоорой. Ар гэрээ тэжээх гэж усанд бороонд, шороо дээр унтаж, шумуулд хазуулан даарч хөрч явна. Нэг их хууль дүрэм ярьсан, дээрэлхүү новшууд олзонд улайран “Боолын анчид” шиг биднийг элдэн гөрөөлж байна.
Жагаа ахаа миний постыг тавиад өгөөрөй.
С.Энхболд