АН-ын дараалсан ялагдлууд үргэлжилсээр байгаа билээ. Дараалсан ялагдлаа С.Эрдэнэтэй холбон тайлбарлах авч Ц.Элбэгдорж, Н.Алтанхуяг, Ч.Сайханбилэг нарын засаглал, эрх мэдэлд өгч буй ард түмний дүгнэлт юм. Эдгээр эрхмүүд сайн ажилласан бол АН-ын нэр хүнд С.Эрдэнийн тэнэглэлтэй, тэнэглэлгүй үргэлжлэн өсөн дээшлэх байв. АН-ын одоогийн уналт дээр улс төр хийж буй хүн бол Н.Энхбаяр юм Тэрээр АН-тай орон нутгийн сонгуульд нэгдэн орох болсон нь унаж буй МАХН-ын нэр хүндийг суга өргөсөн хэрэг байв.
Ерөнхийдөө МАХН АН-ын байр суурийг эзлэн улс төрийн хүчнүүдийг нэгтгэв бололтой. АН-ын хувьд ялагдал хүлээх дарга удирдлагагүй, ялалт мөрөөдөх найдваргүй болсонд гишүүд, дэмжигчид нь дургуй байна. АН-ыг үргэлж хавсайдаж, унах бүрт тохойлдсон ШИНЭ намд баруун жигүүрээ булаалгалаа. Орон нутгийн сонгууль удирдах орох фронт командлагчаараа Баянзүрх дүүргийг үргэлж самарсан, муу нэрт Д.Пүрэвдаваа удирдан орох болсонд гишүүд ууртай байна.
Баянзүрх дүүргийн АН-ын зодооноос үүдэн дүүргийн иргэд үргэлжилсэн үймээнтэй, дарга цэргээ ч олохгүй бужигнасан. Өнгөрсөн дөрвөн жилд Баянзүрхчүүд төрийн үйлчилгээг авч чадаагүйгээ дүүргийн АН-ын дарга Д.Пүрэвдаваатайгаа холбон тайлбарладаг билээ. “Ээдрээ” жүжиг дээр “Ийм жанжинтай арми ялагдалгүй яах вэ” гэдэг шиг Д.Пүрэвдаваагаар удирдуулсан орон нутгийн сонгуулиас олигтой үр дүн хүлээх хэрэггүй гэх болжээ. АН-ыг үнэгүйдүүлэх, хүчгүйдүүлэх ажлыг орон нутгийн сонгууль нэрийн дор хийлээ гэх хардлага байгаа юм. АН-ын тасралтгүй уналтыг улам удаан, тарчлаантай үргэлжлүүлэх ажлыг Н.Энхбаяр хийлээ гэх мэдэгдэл гарч эхэллээ.