Монгол бүсгүйчүүдээс анх удаа сүлжээний бизнесийг үндэсний хэмжээний бизнес болтол түгээсэн Оюунгэрэл хатагтайн тансаг хэрэглээг цалингаараа амьдардаг хүмүүс гайхна. Дуртай үедээ дэлхийн хамгийн өндөр үнэтэй, тансаг зэрэглэлийн буудалд тухалж, алдартай од шиг тансаглаж явдаг түүнийг наймаанд одтой гэхээсээ илүү хувьтай бүсгүй гэлцдэг. Зовсны эцэст жаргадгийн жишээг тод томруун харуулж яваа хүн бол Оюунгэрэл хатагтай. Тэрээр өрх толгойлон хоёр хүүхдээ ганцаараа өсгөсөн.
Монголын толгой баячуудын тоонд ордог Оюунгэрэлийн Монголд анх оруулж ирсэн “Орифлейм”-ийн бүтээгдэхүүн Монголын хот хөдөөг бүрхсэн гэж болно. Найман настай балчраас наян настай буурлууд хүртэл энэ компанийн бүтээгдэхүүнийг хэрэглэдэг. Өөрийнхөө араас олон хүнийг бизнестээ татан оролцуулж амжилтанд хүргэсэн Оюунгэрэл хатагтай Монгол үндэсний хатан дээлийг эртний ёс журмаар нь захиалан оёулж, 9 эрдэнээр чимэглэж хийлгэжээ.
Уг дээлэнд орох сувдыг Японоос захиж авчруулан, толгойн гоёлыг цалин цагаан цэвэр мөнгөөр хийж, малгайн оройг нь цэвэр алтаар урласан гэнэ. Энэ дээлэнд орсон материал 50 сая төгрөгт хүрсэн гэлцэнэ. Одоогоор Монголд ийм үнэтэй хийгдсэн хатан дээл байхгүй бөгөөд дээлний чимгийг хийсэн уран дархан, оёдолчноо Оюунгэрэл хатагтай ихэд нууцалж байгаа сурагтай. Нэг жийпний үнээр монгол хатны дээл хийлгэсэн Оюунгэрэл одоо 2012 онд “дэлхий сөнөнө” гэж цуурснаас болоод олны өмнө гарч чадахгүй яваа..
