Энэ жилийн УИX-ын сонгуулийн онцлог томсгосон тойрог. Олон мaндaттaй том тойрогт нэр дэвшигчид өрсөлдөж бaйнa. Монгол Улсын хувьд шинэлэг тогтолцоо биш. Эл тогтолцооны сул тaл нь нэг нaмын нэр дэвшигчид хоорондоо өрсөлдөх явдaл. 2008 оны сонгуулийг эргэн сaнaя. Сонгуульд оролцогч нaм эвслүүд сонгуулийн суртaлчилгaaнд өнөөдрийнх шиг бaгaaр нь сонгохыг уриaлж бaйсaн. Гэвч эцсийн мөчид мaндaтын тоондоо бaгтaхын тулд хоорондоо өрсөлдөж гэдсэнээ хөлөө жийлцэж бaйв. Сонгогчдод мөрийн хөтөлбөр чухaл биш болж, тухaйн тойрогт тaнигдсaн нөлөө бүхий yдийг нөхдийг сонгоход хүргэж бaйв.
Яг ийм увайгүй, ёс зүйгүй, хувиа хичээсэн үзэгдлийг Баянзүрх дүүргийн Засаг ноён Д.Пүрэвдаваа эхлүүллээ. Түүний үйлдэл бодлого бус, нэр дэвшигчийг гоё харагдуулсан хөгийн тоглолт руу шилжсэн нь сошиал орчинд иргэдийн дургүйцлийг төрүүлж, хатуухан шүүмжлэлтэй тулж байна. Хамгийн хөгийн нь нэг тойрогт хамтдаа нэр дэвшиж, уулзалт бүрийн төгсгөлд бид хамтдаа шүү хэмээн бахирах хэрнээ сурталчилгаан дээр Засаг ноён ганц өөрийнхөө нэрийг бичсэн нь түүнийг хүний хувьд новш гэмээр харагдуулна.
Дүүргийн Засаг даргаар ажиллах хугацаандаа хагарал, бутрал, жагсаал цуглаанаас өөр зүйл бүтээж дөнгөөгүй тэрбээр нам нэгт нэр дэвшигч Ж.Баясгалангаар ийнхүү өөрийн сурталчилгааг хийж, их сэнтий рүү санаархаж буй нь төрийн хүнд байж боломгүй эмгэнэлт зан юм. Гарам дээр нөхрөө түлхээд өөрөө цааш алхаж буй эрд итгэл хүлээлгэж болох уу. Ийм хүнээс юу хүлээх вэ.
Ж.Баясгалангийн хувьд авьяаслаг жүжигчний зэрэгцээ ажил хэрэгч, шаргуу хөдөлмөрлөдөг бизнесмэн. Авто мото спортод дурласан тэрбээр спортынхоо тулааны талбарт осолдсон тамирчин хүн. Тэр дундаа нугас нь тасарч, анагаах ухаан амьдрах хоёрхон хувийн магадлалтай гэсэн итгэл найдваргүй онош дундаас өндийсөн хүчирхэг залуу юм. Хүүхдүүдийг нь сургуулийн нь сурагчид “тэргэнцэртэй хүний хүүхэд, аав чинь хөгжлийн бэрхшээлтэй” гэж шоолуулж байсан тэр өдрөөс “Хөгжлийн бэрхшээлтэй хүүхдүүд эрүүл саруул хүүхэдтэй хамт нэг сургууль, цэцэрлэгт хамтдаа сурч бэрхшээлтэй иргэн, бэрхшээлтэй хүүхдийн зовлонг мэдэрч ойлгодог энэрэнгүй иргэд болж хүмүүжих ёстой, тэр ирээдүйн төлөө би хууль тогтоох байгууллагад дуу хоолойгоо хүргэх нь зөв” гээд улстөрд орсон хэмээн гэм хоргүй ярьж суугаа Ж.Баясгалан харин ханилж явсан нөхрийнхөө улстөрийн нүүдэлд ашиглагдсанаа мэдэж байгаа болов уу.
Эх сурвалж: Niigmiintoli.mn