Дэлхий нийтээр цөмийн зэвсэг, эрчим хүчний нaйдвaртaй эх үүсвэрийг идэвхтэй эрэлхийлж эхэлсэн.
1940-өөд оны үед мaнaй улсaд урaны хaйгуул, судaлгaaны aжил дөнгөж өрнөж бaйв. Өнөөгийн бaйдлaaр буюу 2020 оны 06 дугaaр сaрын 04-ний бaйдлaaр Монгол Улсын хэмжээнд урaны aшиглaлтын тусгaй зөвшөөрөл 9, хaйгуулын тусгaй зөвшөөрөл 6 буюу нийт 15 тусгaй зөвшөөрөл хүчинтэй бaйнa.
Дээр дурьдсан хайгуул, ашиглалтын тусгай зөвшөөрлүүдийг 1997 оноос анх олгож эхэлсэн ба олгосон цаг хугацааг авч үзвэл тухайн үеийн Ашигт малтмалын хэрэг эрхлэх газар, Ашигт малтмалын газар, Ашигт малтмал, газрын тосны газруудаас холбогдох тусгай зөвшөөрлүүдийг 2016 оныг хүртлэх хугацаанд олгосон байдаг аж. Үе үеийн Геологи, уул уурхайн салбарыг удирддаг сайд бүрийн чихийг халууцуулдаг, Ашигт малтмалын газрын дарга нарын мэдлээр олгогдог энэхүү тусгай зөвшөөрлийг тэгвэл хэн, хэзээ олгосон бэ. 2001-2014 оны хооронд ураны тусгай зөвшөөрлийг хэн, хэзээ олгосныг хүснэгтээс харж болно.
Ашигт малтмал, газрын тосны газраас өгсөн мэдээллээр 2016 оноос хойш ураны ямар нэгэн тусгай зөвшөөрөл олгоогүй юм байна. Өөрөөр хэлбэл, сүүлийн дөрвөн жилийн хугацаанд ураны нэг ч зөвшөөрөл олгоогүй. Нөгөөтэйгүүр ураны зөвшөөрөл нь үндэсний аюулгүй байдлын зөвлөлийн мэдлийн хүрээнд байдаг, Ашигт малтмалын ерөнхий газар нь Ерөнхий сайдын мэдэлд байдаг учраас МАН эрх барьж байх хугацаанд ямар нэг зөвшөөрөл олгогдоогүй гэж хэлж болох юм. Сүүлийн үед Уул уурхай хүнд үйлдвэрийн сайдтай холбож улстөржүүлсэн “Нуклер Энэржи Монголиа” ХХК-ийн нэр дээр байсан ураны тусгай зөвшөөрлүүдийг Ашигт малтмал, газрын тосны газрын Кадастрын хэлтсийн даргын 2020 оны 142 дугаар шийдвэрээр хүчингүй болсон байна.
Уран нь өөрөө стратегийн ашигт малтмал тул Монгол Улсын Ерөнхийлөгчийн 2015 оны 77 дугаар зарлигийн 2 дугаар зүйлд “Цацраг идэвхт ашигт малтмал, газрын ховор элемент , газрын тосыг ашиглахтай холбогдсон бодлогын асуудлыг Үндэсний аюулгүй байдлын зөвлөлийн хуралдаанаар хэлэлцүүлж байхыг Засгийн газарт чиглэл болгосугай”, тус зарлигийн 3 дугаар зүйлд “Цацраг идэвхт ашигт малтмал, газрын ховор элементийн хайгуул, олборлолтын тусгай зөвшөөрөл олгох, эрх шилжүүлэх, мөн газрын тосны хайгуулын бүтээгдэхүүн хуваах гэрээ байгуулах асуудлыг Засгийн газрын хуралдаанаар хэлэлцүүлэн холбогдох хууль тогтоомжийн дагуу шийдвэрлүүлж байхыг төрийн холбогдох байгууллагуудын удирдлагад үүрэг болгосугай.” гэж зарлиг болгосон байдаг. Иймд Уул уурхай, хүнд үйлдвэрийн яам, Ашигт малтмал, газрын тосны газраас ураны ямар нэг тусгай зөвшөөрлийг бие даан олгох боломжгүй байдаг.
