Монголын Үндэсний бөхийн холбооны тэргүүн Ц.Магалжав:
Наадмын үйл ажиллагааны хоёр өдрийн үйл ажиллагааны ихэнх хувь нь бөхчүүд дээр төвлөрдөг. Энэ бол улс орны нүүр царай бүхий л зүйлд хамаатай. Ажлууддаа хариуцлагатай хандах хэрэгтэй. Бид наадмын комисс руу давхар саналаа өгье.
Шалгарсан компаниа шахаж, дор бүрнээ хариуцлагатай ажиллах байх гэж найдаж байна. Туршилтыг ядаж ганц удаа хийх хэрэгтэй байна.
“Төв цэнгэлдэх хүрээлэн” ХХК-ийн Гүйцэтгэх захирал Ж.Энхжаргалан:
30 см нам ширхэгтэй, хөл бөмбөгийн цагаан зураасгүй зүлэг тавьсан боловч зүлэгний усны хаялгын жийргэвч тавьж чадаагүй улмаас асуудал үүссэн. Сайжруулахаар хийсэн боловч гүйцэтгэл дээр алдаа гарсны улмаас санасанд хүрээгүй. Энэ алдааг энэ жил давтахгүй байх, хариуцлагатай байх талаар Төв цэнгэлдэх хүрээлэнгийн шинэ удирдлага ажиллана.
Өнгөрсөн жил тайзтай холбоотой маргаанууд бас гарсан. Бид хэд наадмын нээлт, хаалт руу шууд оролцдоггүй. Шалгарсан компанитай хамтран туслах үүрэгтэйгээр ажилладаг. Энэ жил асуудлыг өндөр түвшинд тавьж сонгон шалгаруулалтаас гарч ирсэн компанитай нь ажиллана.
Бөхчүүдийн сандал, амрах зай талбайг ая тухтай байлгах талаас нь байгуулахаар ажиллана. Бид эдгээр саналуудыг нэгтгээд наадмын комисс, нийслэлийн удирдлагуудад танилцуулна.
Амьд зүлэг тавих боломж хомс байна. Амьд зүлэг тавихын тулд хүрээлэнгийн доод талын бетоныг хуулах хэрэг гарна. Бас эхний арга хэмжээнүүд тавдугаар сард эхэлж байна. Энэ жил нүсэр засвар хийх төлөвлөгөө байхгүй.
Хиймэл зүлгийг Европ болон Хятадаас нийлүүлдэг. Ямар хиймэл зүлгээр солих шийдвэрээ маш хурдан тодорхойлж бөхчүүдтэйгээ урьдчилан туршъя.
Төв цэнгэлдэх хүрээлэнгийн зүлэгний асуудлын талаар Улсын Аварга О.Хангай тэргүүтэй Монголын үндэсний бөхийн холбооны бөхчүүд Төв цэнгэлдэх хүрээлэнгийн холбогдох албан тушаалтнуудтай уулзлаа.
NTV телевизийн шууд дамжуулалтын үеэр Улсын Аварга О.Хангай:
2015 онд хийсэн зүлэг халтиргаа байгаагүй ч хар резин нь барилдааны үеэр хамер үнэртдэг, ам хатдаг, эрүүл мэндэд сөрөг нөлөөтэй байсан. Зөвхөн хоёр өдөр бөхчүүд барилдаад өнгөрөхгүй. Нийтийн арга хэмжээ хүүхдүүд байсан. Өнгөрсөн жилийн зүлэг усаа шингээхгүй байсан. Дүүргэх материал нь байхгүйн улмаас, ус тогтсоноос маш их халтирсан. Тиймээс төв цэнгэлдэх хүрээлэнгийн зүлгийг заавал солих хэрэгтэй. Харин дүүргэгч материалыг нь солих технологи байдаг бол уу?
Засуулуудын төлөөлөл “2015 онд тавьсан зүлэг маш муу байсан. Хоолой маш их хатдаг, гутлын улнаас халдаг. Өнгөрсөн жил засуулууд маш их халтирч унасан. Засуулуудад хувцас солих өрөө байхгүй. Бөхчүүдээс гадна бид нарт хувцсаа тавих газар байдаггүйг анхаарч үзээрэй” гэв.
