Үндэсний Их баяр наадмыг угтан Хан-Уул дүүргийн “БАЯЛАГ БҮТЭЭГЧ” аж ахуйн нэгж байгууллагууд хамтран “БҮТЭЭГЧ ХАН-УУЛЧУУД-2023” нэгдсэн өдөрлөгийг 2023 оны 07 дугаар сарын 02-ны өдөр “Богд хааны ордон”-ы цэцэрлэгт хүрээлэнд зохион байгуулах гэж байна.
Дүүргийн нутаг дэвсгэрт үйл ажиллагаа явуулдаг үндэсний үйлдвэрлэгч томоохон аж ахуйн нэгж байгууллагууд, жижиг дунд үйлдвэрлэл эрхлэгчид зэрэг 60 гаруй байгууллагууд нэг дор цугларч үндэсний өв уламжлалаа тодотгосон бараа бүтээгдэхүүнээ нийтэд таниулан сурталчлан борлуулахаас гадна урлагийн тоглолт, уламжлалт наадгайн тэмцээн, хүүхэд, залуучуудын дунд хөгжөөнт уралдаан, тэмцээн зэрэг олон сонирхолтой үйл ажиллагааг өдөрлөгийн үеэр зохион байгуулна.
ӨДӨРЛӨГӨӨР:
- Үндэсний хувцас, хэрэгслийн өргөтгөсөн худалдаа
- Малгай, бүс
- Дээл, хүрэм
- Даалин, хөөрөг
- Гутал, цүнх, арьсан бүтээгдэхүүн
- Гоёл чимэглэл, гар урлал
- Ноос, ноолууран хувцас, нэхий эдлэл
- Бэлэг дурсгал зэрэг үндэсний бараа бүтээгдэхүүнүүд үйлдвэрийн үнээр худалдаалагдана.
Эко дүүргийн иргэн та Үндэсний их баяр наадмаар гоёж, хэрэглэх чанартай бараа бүтээгдэхүүнээ нэг дороос авах боломжтой үзэсгэлэн худалдаанд хүрэлцэн ирж, амралтын өдрийг гэр бүлээрээ урлаг, спортын хөгжөөнт уралдаан тэмцээнд оролцохыг урьж байна.
Өдөрлөгийн хөтөлбөрт:
- Үндэсний хувцасны загварын шоу,
- Урлагийн тоглолт,
- Хүүхэд, залуучуудад чиглэсэн хөгжөөнт уралдаан, тэмцээн,
- Хоолны үйлчилгээ,
- Задгай талбайн арга хэмжээ зэрэг олон сонирхолтой үйл ажиллагаа бүтэн өдрийн турш зохион байгуулагдахаар хөтөлбөрт багтсан байна.
Мөн уг өдөрлөгийн үеэр Киоск машин болон “ХурДан” цэгээр дамжуулан төрийн 30 гаруй байгууллагын 400 орчим үйлчилгээг нэг дороос цахимаар авах боломжтой.
Хан-Уул дүүргийнхээ баялаг бүтээгчдийг дэмжин “БҮТЭЭГЧ ХАН-УУЛЧУУД-2023” нээлттэй өдөрлөгт иргэд Та бүхнийг өргөнөөр хүрэлцэн ирэхийг урьж байна.
ХААНА: “Богд хааны ордон” цэцэрлэгт хүрээлэн
ХУГАЦАА: 2023 оны 07 дугаар сарын 02-ны өдрийн 10:00-19:00