“Монголын Эмэгтэйчүүдийн Хороо”-г 25 жил удирдсан, XX зууны Монголын төр, нийгмийн нэрт зүтгэлтэн, төрийн шагналт зохиолч Сономын Удвалын бодит амьдралаас сэдэвлэсэн, бүрэн хэмжээний “УЛААН ЦЭЦЭГ” уран сайхны киног гуравдугаар сарын 8-нд нээлтээ хийлээ.
Тус киног “Монголын Эмэгтэйчүүдийн Холбоо”-ны захиалгаар “Ю фильм” уран бүтээлийн нэгдэл бүтээсэн бөгөөд кинонд С.Удвал ахайтны амьдралыг өгүүлэхээс гадна ХХ зууны Монгол Улсын бодит түүхийг гаргах ажээ. Жүжигчин Г.Ундармаа “Улаан цэцэг” киноны гол дүрд нь тоглож байгаа бөгөөд нийтдээ 200 орчим уран бүтээлч хамтран ажиллажээ. Нийтдээ 700 сая төгрөгийн өртгөөр “Улаан цэцэг” кино бүтсэн аж.
“Улаан цэцэг” уран сайхны киног хийхдээ улсын төсвөөс нэг ч төгрөг аваагүй аж. Энэ киног хийхдээ Швейцарийн хөгжлийн агентлагт төсөл бичиж, тендерт оролцоод тодорхой хэмжээний санхүүжилт авчээ.
Мөн хандив зохион байгуулсан бөгөөд ивээн тэтгэгч, хандив, төслийн санхүүжилтээр киног бүтээсэн байна. Үндсэндээ “Ю фильм” уран бүтээлийн нэгдэл 50, Монголын эмэгтэйчүүдийн холбоо 50 хувийн санхүүжилтийг бүрдүүлсэн байна. Холбооныхоо удирдах зөвлөл болон аймаг орон нутгийн эмэгтэйчүүдийн дэмжлэг, хүлээн авалт, хандив босгож, “Ундрам” сан ивээн тэтгэгчээр оролцсон аж.
Соёлын Гавьяат Зүтгэлтэн болоод удаагүй жүжигчин бүсгүйн киноны нээлтийн арга хэмжээ нь 600к төгрөгийн үнэтэй байсан талаар нэгэн жиргээч жиргэсэн юм. Харин түүнийг яагаад ийм үнэтэй арга хэмжээ хийж байгааг сонирхоход нэгэн жиргээч “Гавьяатын найраа хийх” гэсэн юм байлгүйдээ хэмээн жиргэв.
Ташрамд хэлэхэд уг киноны орлогоор 2022 онд “Хавдаргүй эмэгтэйчүүд” сэдвийн хүрээнд эрүүл мэндийн төслүүд хэрэгжүүлэх гэнэ лээ.
